ദി ബ്രിഡ്ജ് ,മകള്‍ ,പുറംകാഴ്ചകള്‍ – കേരള കഫേയിലെ മികച്ച വിഭവങ്ങള്‍ ….. നവംബര് 4, 2009 by vidushakan രണ്‍ജിത്തിന്റേയും കൂട്ടരുടേയും പരിശ്രമം വൃഥാവിലായില്ല… പത്തു സംവിധായകരുടെ പത്ത്‌ ചിത്രങ്ങള്‍ .. മലയാളത്തില്‍ ഒരു പുതുമ തന്നെയാണ്… ഭൂരിഭാഗം ചിത്രങ്ങളും ബോറടിപ്പിക്കുന്നവയാണ്‌.. ചിലതൊക്കെ സമകാലിക യാഥാര്‍ത്ഥ്യങ്ങളാണ്‌ വിളമ്പിയത്‌.. ദി ബ്രിഡ്ജ് ആ ചിത്രക്കൂട്ടത്തില്‍ നിന്ന് മൂന്ന് ചിത്രങ്ങള്‍ സവിശേഷ ശ്രദ്ധ അര്‍ഹിക്കുന്നവയാണെന്ന് എനിക്ക്‌ തോന്നുന്നു.. അവയിലൊന്നാണ്‌ ദി ബ്രിഡ്ജ്.. വാര്‍ദ്ധക്യത്തിന്റെ പ്രശ്നങ്ങള്‍ നമ്മെ അലോരസപ്പെടുത്തി നിലകൊള്ളുന്നു.. യഥാര്‍ത്ഥ സംഭവത്തില്‍ നിന്ന് ഊര്‍ജം ഉള്‍ക്കൊണ്ടതാണ്‌ ആ സിനിമ.. തെരുവില്‍ നിന്ന് കിട്ടിയ പൂച്ച കുഞ്ഞിനെ സ്നേഹിക്കുന്ന കുട്ടി..അച്ഛന്‍ ആ പൂച്ചക്കുട്ടിയെ ചവറ്റുകൂനയില്‍ കൊണ്ട്‌ ഉപേക്ഷിക്കുന്നു.. ആ കുട്ടിയുടെ നൊമ്പരങ്ങള്‍ നമ്മെ സ്പര്‍ശിക്കുന്നു… സ്വന്തം അമ്മയെ ഉപേക്ഷിക്കുന്ന മകന്‍ …(അവര്‍ അന്ധയാണ്‌).. തിയേറ്ററില്‍ ഇരുത്തിയിട്ട്‌ കടന്നുകളയുന്നു അയാള്‍ .. ആവൃദ്ധയുടെ ദൈന്യം…. ഒടുവില്‍ അവരും ആ പൂച്ചക്കുട്ടിയും ഒന്നിച്ച്‌ ഒരിടത്ത്‌… കേരള കഫേ യുടെ വരാന്തയില്‍ .. അര്‍ത്ഥഗര്‍ഭമായി ചിലതൊക്കെ ഭംഗിയായി പറഞ്ഞിരിക്കുന്നു സംവിധായകന്‍ … കാപട്യം നിറഞ്ഞ മലയാളിയുടെ മുഖമടച്ച്‌ കിട്ടിയ ഒരടിയാണ്‌ ഒരര്‍ത്ഥത്തില്‍ ആ സിനിമ.. മകള്‍ ഇത്തരം കഥകള്‍ എന്നും നമ്മെ വേട്ടയാടുന്നവയാണ്‌.. ദാരിദ്ര്യം നിറഞ്ഞ കുടുംബത്തില്‍ നിന്ന് പെണ്‍കുട്ടികളെ വിലയ്ക്കു വാങ്ങി ഭിക്ഷാടനത്തിനും വാണിഭത്തിനും ഉപയോഗിക്കുന്ന സംഘങ്ങള്‍ സജീവമാണല്ലോ ഇക്കാലത്ത്‌… ദത്തെടുക്കല്‍ എന്ന ഓമനപ്പേരില്‍ …. ആ ദരിദ്രകുടുംബത്തിണ്റ്റെ ദൈന്യം…. ചേച്ചിയും അനിയനും തമ്മിലുള്ള സ്നേഹത്തിന്റെ അസുലഭ മുഹൂര്‍ത്തങ്ങള്‍ .. വേര്‍പിരിയലിന്റെ ….. തനിക്ക്‌ അമ്മ നല്‍കിയ മിഠായി അനുജന്‌ നല്‍കിക്കൊണ്ട്‌ ചേച്ചി പറയുന്ന വാക്കുകള്‍ …’ഇനി ചേച്ചിയ്ക്ക്‌ ധാരാളം മിഠായി ലഭിക്കുമെല്ലോ… ‘ ദത്തെടുത്ത വീട്ടമ്മ…തട്ടിപ്പുകാരിയാണ്‌ ആ തിരിച്ചറിവ്‌ നമ്മെ നടുക്കുന്നു… അവള്‍ ഒരു പെണ്‍ വാണിഭക്കാരന്‌ ആ കുട്ടിയെ കൂടുതല്‍ വിലയ്ക്ക്‌ വില്‍ക്കുന്നു…. ഇന്നിന്റെ നേര്‍സാക്ഷ്യം…. ഒരു വിതുമ്പലോടുകൂടിയേ ഈ സിനിമ കണ്ടിരിക്കാനാവൂ… സിനിമ തീര്‍ന്നിട്ടും ഒരു തേങ്ങലായി ആ പെണ്‍കുട്ടി …. രേവതിയുടെ സിനിമയാണെന്ന് തോന്നുന്നു… എനിക്ക്‌ ആ സിനിമ വളരെ ഇഷ്ടപ്പെട്ടു … പുറംകാഴ്ചകള്‍ പുറംകാഴ്ചകള്‍ കണാന്‍ സംവിധായകല്‍ ക്ഷണിക്കുന്നു… ശ്രീനിവാസന്റെ ജീവിതം ഒരു കാഴ്ച…. ബസ്സ്‌ യാത്രയിലാണ്‌ എല്ലാപേരും ഒന്നിക്കുന്നത്‌.. വഴിയിന്‍ നിന്ന് കയറുന്ന കോളേജു പിള്ളേര്‍… അവരുടെ കലമ്പലുകള്‍ … ഈ ബഹളങ്ങളില്‍ അക്ഷമനായി മമ്മൂട്ടിയുടെ കഥാപാത്രം… അയാള്‍ ഒരസികനായി നമുക്കും തോന്നും… എന്നാല്‍ അതിന്റെ അന്ത്യം, അത്‌ നമ്മെ വല്ലതെ നടിക്കിക്കളയുന്നു… ഒരു അപ്രതീക്ഷിതമായ അന്ത്യം… അയാളുടെ പ്രിയപ്പെട്ട ആരോ മരിച്ചിരിക്കുന്നു… അവിടേക്കാണ്‌ അയാള്‍ … യാത്രക്കാരോടൊപ്പം നമ്മളും ദുഖാര്‍ത്തരാകുന്നു… നല്ല കൈയൊതുക്കത്തോടെ കഥ പറഞ്ഞിരിക്കുന്നു… കേരള കഫേ ഒരു നല്ല സംരംഭമാണെന്ന് എനിക്ക്‌ തോന്നുന്നു… Rate this:Share this:RedditകൂടുതൽPrintEmailLike Loading... Related
വളരെ ഗംഭിരമായ ഒരു സിനിമ തന്നെയാണ് കേരള കഫേ. ഈ അടുത്തകാലത്ത് മലയാളത്തില്‍ സംഭവിക്കാതിരുന്ന ഒരു പുതുമ. ഇതൊരു തുടക്കമാകട്ടെ.. (എങ്കിലും ഇതുപോലും മനസ്സിലാകാത്ത് ചില വിഡ്ഡികുശ്മാണ്ഡങ്ങള്‍ ബ്ലോഗിലുമുണ്ട് എന്നതാണ് രസകരം)
Vidushakan's Weblog-(വിദൂഷകന് ) 
കേരള കഫേ ഒരു നല്ല സംരംഭമാണെന്ന് എനിക്ക്‌ തോന്നുന്നു…
തീര്‍ച്ചയായും
🙂
വളരെ നല്ല അഭിപ്രായമാണ് മൊത്തത്തില്‍. പ്രത്യേകിച്ച് ബ്രിഡ്ജ്
വളരെ ഗംഭിരമായ ഒരു സിനിമ തന്നെയാണ് കേരള കഫേ. ഈ അടുത്തകാലത്ത് മലയാളത്തില്‍ സംഭവിക്കാതിരുന്ന ഒരു പുതുമ. ഇതൊരു തുടക്കമാകട്ടെ..
(എങ്കിലും ഇതുപോലും മനസ്സിലാകാത്ത് ചില വിഡ്ഡികുശ്മാണ്ഡങ്ങള്‍ ബ്ലോഗിലുമുണ്ട് എന്നതാണ് രസകരം)