കേരളം-ലൈംഗിക അരാജകത്വത്തിന്റെ വിളഭൂമി…

ലൈംഗിക അരാജകത്വത്തിന്റെ നാടായി മാറിയിരിക്കുന്നു കേരളം!

കുട്ടികൾക്ക്‌ എതിരെയുള്ള ലൈംഗികാതിക്രമങ്ങൾ ദിനം പ്രതി വർദ്ധിച്ചുവരുന്നു.

പ്രകൃതി വിരുദ്ധ ലൈംഗികത ഒരു ജ്വരമായി കൊണ്ടുനടക്കുന്ന ഒരു വലിയ വിഭാഗം ഇവിടുണ്ട്‌.

ഒരു വയസ്സുകാരി മുതൽ പടുവൃദ്ധ വരെ ആക്രമിക്കപ്പെടുന്നു.

നിരക്ഷരനും വിദ്യാസമ്പന്നനും പീഢകരുടെ ലിസ്റ്റിൽ-

ഭയാനകമായൊരു അവസ്ഥയിലൂടെയാണ്‌ കേരളീയ സമൂഹം പെയ്ക്കൊണ്ടിരിക്കുന്നത്‌.

മുമ്പെങ്ങുമില്ലാത്തവിധം ലൈംഗികാതിക്രമം വർദ്ധിക്കാൻ എന്താണ്‌ കാരണം?

ആരും ഒരിടത്തും സുരക്ഷിതരല്ലാത്ത അവസ്ഥ വന്നു ചേർന്നത്തേങ്ങനെ?

കേരളത്തിലെ നല്ല്ലൊരു വിഭാഗം പുരുഷന്മാർ ലൈംഗിക മനോരോഗികളാണ്‌ എന്ന് പറയാവുന്നതാണ്‌.അതിൽ ദരിദ്രനും സമ്പന്നനും പണ്ഡിതനും പാമരനും ഉണ്ട്‌.

വഴികാട്ടേണ്ടവർ വഴി പിഴപ്പിക്കുന്നവരായി തീരുന്നതെന്തുകൊണ്ട്‌?

ഏതാനും ദിവസങ്ങളായി പുറത്തു വന്നുകൊണ്ടിരിക്കുന്ന വാർത്തകൾ പേടിപ്പെടുത്തുന്നു.
സ്കൂളിലും കോളേജിലും വീട്ടിലും ഒന്നും കുട്ടികൾ സുരക്ഷിതരല്ല!

-തിരുവനന്തപുരത്തെ ആർഷ ഇന്റർ നാഷണൽ സ്കൂളിലെ രണ്ടാം ക്ലാസ്സുകാരിയെ സ്കൂൾ ഡയറക്ടർ ലൈംഗിക പീഢനത്തിന്‌ വിധേയയാക്കിയിരിക്കുന്നു!

-ചാവക്കാട്ട്‌ പന്ത്രണ്ടുകാരൻ പ്രകൃതി വിരുദ്ധ ആക്രമണത്തിന്‌ വിധേയനായി കൊല്ലപ്പെട്ടു!

-രണ്ടു വയസ്സുകാരി ലൈംഗിക പീഢനം മൂലം മരിച്ചു!

-ഐസ്ക്രീം പാർലർ കേസിൽ കുഞ്ഞാലിക്കുട്ടി ഉൾപ്പെട്ടിരുന്നു

-നീലലോഹിതദാസൻ നാടാർ,പി.ജെ.ജോസഫ്‌,പ്രൊഫ.പി.ജെ.കുര്യൻ തുടങ്ങിയവർ ആരോപണവിധേയരാണ്‌.

ഇത്തരം നൂറു കണക്കിന്‌ സംഭവങ്ങൾ കുറിക്കുവാൻ കഴിയും…

കാമം നിയന്ത്രിക്കാൻ ഇവർക്ക്‌ കഴിയാത്തതെന്തുകൊണ്ട്‌?

സംസ്കാരവും മൂല്യബോധവും ഉള്ളവർക്ക്പോലും  അതിന്‌ കഴിയുകയില്ലേ?

നമ്മുടെ സാംസ്കാരിക രംഗത്തുണ്ടായ അപചയം ഇതിന്‌ ഒരു പ്രധാന കാരണമായി ചൂണ്ടിക്കാണിക്കാവുന്നതാണ്‌.

പെട്ടെന്ന് പറയാൻ തോന്നുന്ന ചില കാര്യങ്ങൾ ഇവയാണ്‌-

1.സ്കൂൾ വിദ്യാഭ്യാസത്തിൽ സദാചാര മൂല്യങ്ങൾക്ക്‌ പ്രാധാന്യം കുറഞ്ഞു വരുന്നു.

2.മാധ്യമങ്ങൾ ലൈംഗികാതിപ്രസരമുള്ള പരസ്യങ്ങൾ നൽകുന്നത്‌-

3.ശരീരഭാഗങ്ങൾ സമൃദ്ധമായി പ്രദർശിപ്പിക്കുന്ന വസ്ത്രധാരണ രീതി-
പൊക്കിൾ പുറത്തുകാണിക്കൽ ഒരു ഫാഷനായി സ്ത്രീകൾ കരുതുന്നതുപോലെ തോന്നുന്നു..(യഥാർത്ഥത്തിൽ പൊക്കിൾക്കൊടി ലൈംഗികത ഉളവാക്കുന്ന ഒന്നല്ല,അമ്മയും കുഞ്ഞുമായുള്ള ബന്ധത്തിന്റെ ദിവ്യമായ സൂചകമാണ്‌)

4.ചാനലുകളിലെ സ്ത്രീകളുടെ അംഗചലനങ്ങൾ ആഭാസകരമാണ്‌.ലൈംഗികത ഉദ്ദീപിപ്പിക്കുന്ന തരത്തിലാണത്‌.(രഞ്ജിനി ഹരിദാസിനെപ്പോലുള്ള അവതാരകർ നമ്മുടെ വസ്ത്രധാരണ രീതിയേയും സംസ്കാരത്തേയും വെല്ലുവിളുക്കുന്നു..നല്ല പുളിവാറൽ പ്രയോഗം അത്യാവശ്യമാണ്‌)

5.സിനിമകളിൽ,പ്രത്യേകിച്ച്‌ നൃത്തരംഗങ്ങളിൽ നഗ്നതാപ്രദർശനം എല്ലാ അതിർവ്വരമ്പുകളേയും അതിലംഘിക്കുന്ന തരത്തിലാണ്‌.(നയൻ താരയേയും മറ്റും ചങ്ങലയ്ക്കിടണം)

6.വിദേശസംസ്കാരത്തിന്റെ കടന്നുകയറ്റം നമ്മുടെ നന്മകൾ തകർത്തു.

7.സെക്സ്‌ ഇന്നും ഒളിച്ചു കടത്തേണ്ട സാധനമായി തന്നെ നിലനിൽക്കുന്നു.
അതിനെക്കുറിച്ച്‌ ആരോഗ്യകരമായ അവബോധം കുട്ടികൾക്ക്‌ ലഭിക്കുന്നില്ല.

ഇതു കൂടാതെയുള്ള ധാരാളം കാരണങ്ങളും ഉണ്ടാവാം..

പരിഹാരം

————-

യുവജന സംഘടനകളും രഷ്ട്രീയ കക്ഷികളും ഈ വിഷയം ഗൗരവമായി കാണേണ്ടീരിക്കുന്നു.
ഗവൺമന്റിന്റെ സത്വരശ്രദ്ധ പതിയേണ്ട വിഷയമാണിത്‌.
ആരോഗ്യപരമായ ലൈംഗിക വിദ്യാഭ്യാസം നൽകണം.

സ്ത്രീ സംഘടനകൾ ‘കൂതറ’നടിമാർക്കെതിരെ രംഗത്തു വരണം.
അത്തരം സിനിമകൾ ബഹിഷ്കരിക്കണം.

ലൈംഗികാതിക്രമം നടത്തുന്നവർക്കുള്ള ശിക്ഷ കഠിനമാക്കണം.
(ശശോധരനെയും മറ്റും -രണ്ടാം ക്ലാസ്സുകാരിയെ പീഢിപ്പിച്ചവൻ-അടിച്ചുകൊല്ലുന്നതിൽ യാതൊരു തെറ്റുമില്ല.പുണ്യം കിട്ടുകയും ചെയ്യും!)

Advertisements

കാന്തപുരം കാമവെറിയന്റെ ഭാഷയുമായി…

മുസ്ലിം വിവാഹമോചനത്തെക്കുറിച്ച് കേരള ഹൈക്കോടതി നടത്തിയ നിരീക്ഷണം സജീവ ചര്‍ച്ചകള്‍ക്ക് വഴിമരുന്നിട്ടിരിക്കുകയാണ്.


മുസ്ലിം പുരുഷന് വിവാഹമോചനം നടത്താന്‍ പള്ളിയിലും കോടതിയിലും പോകേണ്ടതില്ല.എവിടെവച്ചും ആകാം..


എന്നാല്‍ ആ വിഭാഗത്തിലെ സ്ത്രീകള്‍ക്ക് കോടതിവഴിക്കേ വിവാഹമോചനം സാധ്യമാകൂ..!


ബഹുഭാര്യത്വം പരിഷ്കൃത സമൂഹം അംഗീകരിക്കുന്നില്ല.


എന്നാല്‍  ചില (90%)മുസ്ലിം പണ്ഡിതന്മാര്‍ അതിനെ ശക്തമായി പിന്താങ്ങുന്നു!!


ഇന്ന് രാത്രി (23/10/2008) 9.30ന് മനോരമ വിഷനില്‍ നടന്ന ചര്‍ച്ചയില്‍ കാന്തപുരം പറഞ്ഞത് തികച്ചും അപലപനീയമായ അഭിപ്രായമാണ്…


-“മാസത്തില്‍ പത്ത് പതിനഞ്ച് ദിവസം സ്ത്രീകള്‍ അശുദ്ധകളാണ്..അപ്പോള്‍ പുരുഷന് മറ്റ് സ്ത്രീകളെ തേടേണ്ടിവരും!!“


എങ്ങനെയിരിക്കുന്നു പണ്ടിതന്റെ അഭിപ്രായം???

(മുസ്ലിം പുരുഷന്മാരെല്ലാം വയാഗ്ര കഴിച്ചുനില്‍ക്കുന്ന വിത്തുകാളകളാണോ?)


ശ്രീമതി ബി.എം.സുഹറ മുഖമടച്ച് മറുപടി നല്‍കി,കാന്തപുരത്തിന്.-“അങ്ങനെയുള്ളവര്‍ മനോരോഗികളാണ്…”




വിവേകികളായ മുസ്ലിംങ്ങള്‍ ഉണരണം..


ജനാധിപത്യ സമൂഹം ശക്തമായി പ്രതികരിക്കണം…



സെന്റ് അല്‍ഫോണ്‍സ Vs മദര്‍തെരേസ

ഇന്ത്യയിൽ നിന്നുള്ള ആദ്യത്തെ വിശുദ്ധയാണത്രെ അൽഫോൺസാമ്മ…

നമുക്കാകെ സന്തോഷം..

കേരളത്തിലെ ഒരു പെൺകുട്ടി വിശുദ്ധ പദവിയിൽ-

ഇന്ത്യയിലെ കത്തോലിക്കാ സഭയ്ക്ക്‌ കൈവന്ന മഹാഭാഗ്യം!

അവർ സമൂഹത്തിനു വേണ്ടി എന്തൊക്കെ ചെയ്തു?

അശരണർക്കും ദരിദ്രർക്കും വേണ്ടി എന്തൊക്കെ പ്രവർത്തിച്ചു?

എത്രപേർക്ക്‌ വഴികാട്ടിയായി ഭവിച്ചു?

മാധ്യമങ്ങളിൽ നിന്നു ലഭിക്കുന്ന വിവരമനുസരിച്ച്‌ അത്തരത്തിലുള്ള പ്രവർത്തനമൊന്നും നടത്തിയതായി കാണുന്നില്ല…

രോഗപീഢിതയായിരുന്നു വളരെക്കാലം…
കുടുംബ ജീവിതം നയിക്കാൻ ഇഷ്ടപ്പെട്ടില്ല..(ദമ്പതിമാരെ വിശുദ്ധരായി പ്രഖ്യാപിക്കുന്നതിൽ മാർപ്പാപ്പ രണ്ടാമൻ ഏറെ താല്പര്യം കാട്ടിയിരുന്നു.)

തന്നെ കാണാൻ വന്നവരോട്‌ വളരെ സ്നേഹത്തോടും ദയയോടും സംസാരിച്ചിരുന്നു..

വേദനകളിലും ക്രിസ്തുവിനോടുള്ള വിശ്വാസം കാത്തുസൂക്ഷിച്ചു…

വിശുദ്ധപദവിയിലെത്താൻ ഇതൊക്കെ മതിയോ?

എന്തോ വലിയ പരീക്ഷണങ്ങളൊക്കെ നടത്തിയിട്ടാണത്രെ അവരെ തെരഞ്ഞെടുത്തത്‌.

അതൊക്കെ സാധാരണക്കാർക്ക്‌ മനസ്സിലാക്കാൻ പ്രയാസമുള്ള കാര്യങ്ങൾ…

ഇന്ത്യൻ സ്വാതന്ത്യസമരവും ലോകമഹായുദ്ധവും നടന്ന കാലഘട്ടം–

അതൊന്നും തന്നെ ബാധിക്കുന്നതല്ലയെന്ന് ജീവിച്ച ഒരു കന്യാസ്ത്രീ…

ആർക്കുവേണ്ടിയും എന്തെങ്കിലും യാതനകൾ അനുഭവിച്ചതായി അറിയില്ല..
മുപ്പത്തിയാറു വർഷം മാത്രം ജീവിച്ചവർ…

മരണശേഷം അദ്ഭുതങ്ങൾ നടന്നുവേന്ന് വിശ്വസിക്കപ്പെടുന്നു..

ശരിയാകാം..തെറ്റാകാം…

എന്നാലും ചിലതൊക്കെ ചിന്തയിൽ ചുരമാന്തുന്നു–

വിശുദ്ധ എന്ന് കേൾക്കുമ്പോഴൊക്കെ മനസ്സിൽ തെളിയുന്ന രൂപം മദർ തെരേസയുടേതാണ്‌…

ജീവിതകാലം മുഴുവൻ പാവങ്ങൾക്കു വേണ്ടി,രോഗികൾക്കു വേണ്ടി,അശരണർക്കു വേണ്ടി പ്രവർത്തിച്ചവർ…

കുഷ്ഠരോഗികളെ സോദരങ്ങളായി കരുതി ശുശ്രൂഷിച്ചവർ…

അവരെക്കാൾ ദിവ്യത്വം മറ്റാർക്കാണുള്ളത്‌?

അവരെക്കൾ ആരാധ്യർ മറ്റാരാണ്‌?

മദർ തെരേസയെ വിശുദ്ധയാക്കാണമെന്ന് ആവശ്യപ്പെടാത്തതെന്തുകൊണ്ടാണ്‌?

അവർ വഴിവിളക്കാണ്‌..

മാതൃത്വത്തിന്റെ നിറദീപമാണ്‌…

അങ്ങനെയുള്ളവരല്ലേ ദൈവപദവിയിലേക്ക്‌ അവരോധിക്കപ്പെടേണ്ടത്‌?

ആണെന്ന് എനിക്ക്‌ തോന്നുന്നു..

എന്റെ മുഴുവൻ പിൻ തുണയും മദർ തെരേസയ്ക്കാണ്‌!

സെന്റ്‌ അൽഫോൺസാമ്മയും വാഴ്ക….

വാൽക്കഷണം-
——————
ദൈവമേ,കേരളത്തിലെ ചാനൽപ്രിയരായ കത്തോലിക്കൻ അച്ചന്മാർക്ക്‌ മുഴുവൻ ഷൈലോക്കിന്റെ മുഖം പ്രദാനം ചെയ്തതാരാണ്‌?അവരുടെ കണ്ണുകളിൽ അസഹിഷ്ണുത നിറച്ചതാരാണ്‌?ചുണ്ടുകളിൽ ലാഭക്കൊതി ചൂടിച്ചതാരാണ്‌?…

ദൂരെ സിസ്റ്റർ അഭയുടെ നിലവിളി…

ദൈവമേ….ദൈവമേ….

നമെങ്ങോട്ടാണ്‌പെയ്ക്കൊണ്ടിരിക്കുന്നത്‌……?