ബ്ലോഗ് നിരൂപണം.വാല്യം-8(22/07/2008)

തെരുവിന്റെ പെണ്‍കുട്ടി
————————————

‘ഒരു വേനല്‍ക്കാലത്തു പെയ്ത മഴയില്‍
അറിയാതെ ചുണ്ടിനെ നനയിച്ച ആ മഴത്തുള്ളിയുടെ
നനവ്‌ മായും മുന്‍പേ ആയിരുന്നു അവള്‍
സ്വന്തം രക്തത്തിന്റെ രുചിയും ആദ്യമായറിഞ്ഞത്‌’

സൂര്യനെല്ലിയിലെ പെണ്‍കുട്ടിയിലാരംഭിക്കുന്ന സമീപകാല പീഢന കഥകള്‍ മുഴുവന്‍ ഓര്‍മ്മയിലെത്തിക്കുന്നു ഈ വരികള്‍..

പെണ്ണിനെ ഉപഭോഗ വസ്തുവായി മാത്രം കാണുന്ന ആധുനിക സമൂഹം…

പ്രലോഭനങ്ങളുമായി കഴുകന്മാര്‍..

എവിടെയാണ്‌ അഭയം?

എങ്ങനെയൊക്കെയാണ്‌ അവള്‍ ചതിക്കപ്പെട്ടത്‌ എന്ന് കവി വിശദീകരിക്കുന്നു…

‘ഒരിക്കലും കണ്ടിട്ടില്ലാത്ത വര്‍ണ്ണ ചിറകുള്ള തൂവലുമായി’-ആകാശത്തൂടെ പറന്നുപോയ ഒരു പക്ഷിയെ നോക്കി നിന്ന രത്രിയിലാണ്‌ അവക്കുടെ മുറിയില്‍ കഴുകന്മാര്‍ പറന്നിറങ്ങിയത്‌!

നല്ല കവിത.

ഇമേജുകള്‍ വളരെ ശക്തമാണ്‌…ആലോചനാമൃതമാണ്‌.

പിന്നെ,ഒരു എതിരഭിപ്രായമുള്ളത്‌ ചിത്രത്തിന്റെ കാര്യത്തിലാണ്‌. മീരാ ജാസ്മിന്റെ ചിത്രമാണ്‌ കവിതയ്ക്ക്‌ നല്‍കിയിരിക്കുന്നത്‌…അത്‌ വേണ്ടിയിരുന്നില്ല.

മീരയുടെ ജീവിതവുമായുള്ള സാദൃശ്യങ്ങളില്‍ വായന പരിമിതപ്പെട്ടുപോകുന്നു..

അത്‌ വേണ്ടിയിരുന്നില്ല.ആ ചിത്രം ഒഴിവാക്കാന്‍ അഭ്യര്‍ത്ഥിക്കുന്നു.

എല്ലാ ബ്ലോഗര്‍മാരും വായിച്ചിരിക്കേണ്ട കവിതയാണിത്‌.

www.mashathullikalpadiyathrattukal.blogspot.com

________________________________________________________________________________________

ദ്രൗപദിയുടെ ‘വിലാപങ്ങള്‍ക്കിടയില്‍’
——————————————-

നിവേദിതയുടെ കഥ പറയുകയാണ്‌ ദ്രൗപദി…

താളം തെറ്റിയ കുടുംബത്തിന്റെ കഥ..

അച്ഛന്‍ ശവം മറവുചെയ്യുന്നയാള്‍…
അമ്മ വ്യഭിചാരിണി…
ആ വഴിയ്ക്ക്‌ അനിയത്തിയെ നഷ്ടമാകുന്നു…
അച്ഛന്റെ മരണശേഷം നിവേദിത ഒറ്റയ്ക്കാകുന്നു…

അവള്‍ വേദനകള്‍ പറഞ്ഞിരുന്ന മരവും നഷ്ടമാകുന്നു….

കരുണ രസത്തിന്റെ തിരത്തള്ളലാണ്‌ വരികളില്‍…
ക്ലീഷേ വന്ന വാക്യങ്ങള്‍…

വലിയ ഒരു ക്യാന്‍ വാസ്‌.
കഥ പറച്ചില്‍ തന്ത്രം അറിയില്ല.

സ്കൂള്‍ കുട്ടികളുടെ രചനപോലെയാണ്‌.
അത്രയേ പറയാനുള്ളൂ…

നല്ല കഥകള്‍ ധാരാളം വായിക്കേണ്ടീരിക്കുന്നു എന്ന് വിദൂഷകന്‍.

www.varshakalam.blogspot.com

_________________________________________________________________________________

മഴയില്‍ നനയുവാന്‍ നീ വീണ്ടും വരിക
——————————————-

പ്രണയസ്മൃതിയാണിക്കവിത.

കാല്‌പനിക വസന്തം കേരളക്കരയെ അനുഗ്രഹിച്ചകാലത്ത്‌ എഴുതപ്പെടേണ്ടീയിരുന്ന കവിത-

നന്മകളെല്ലാം നശിച്ച ഈ കാലത്തും നമ്മില്‍ പ്രണയത്തിന്റെ സുഗന്ധം നിറയ്ക്കാന്‍ ഈ വരികള്‍ക്കാവുന്നു..

‘ചെറുമരമൊന്നുലഞ്ഞതും
നിന്‍ തളിര്‍മെയ്‌ നനഞ്ഞതും
കാറ്റില്‍ കുളിര്‍ന്നതും സഖി
മറക്കുവതെങ്ങിനെ ഞാന്‍..’

-നമുക്കും മറക്കാന്‍ കഴിയില്ല.

മധുരകോമളകാന്തപദാവലികള്‍ കൊണ്ട്‌ അണിയിച്ചൊരുക്കിയ കവിത-

നമ്മുടെ ഹൃദയത്തിലെ ഏതോ തന്ത്രികളില്‍ തൊടുന്നു..

പരുപരുത്ത യാഥാര്‍ത്ഥ്യങ്ങള്‍ കൂടി കാണാന്‍ കവിയ്ക്ക്‌ കഴിയട്ടെ എന്ന് ആശംസിക്കുന്നു.

www.blongaala.blogspot.com

____________________________________________________________________________________

ഏലാ വാര്‍ത്തകള്‍
——————————-

(കുഴിച്ചെടുത്ത് അവതരിപ്പിക്കുന്നത് സരസുവും സരളയും)

-അധ്യാപകനെ ചവിട്ടിക്കൊന്നിരിക്കുന്നു.ചേച്ചീ..ഈ യൂത്ത്‌ ലീഗുകാരെ തൂക്കിക്കൊല്ലണ്ടേ…

-ഗുരുത്വമില്ലാത്ത …വിവരമില്ലാത്ത…കാട്ടുമൃഗങ്ങളാ..കള്ളച്ചോറും തിന്ന് കുട്ടികളെ ഒണ്ടാക്കലാ ഇവന്മാരുടെ പണി..

-കുഞ്ഞാലിക്കുട്ടീടെ കൊട്ടേഷന്‍ ഗ്രൂപ്പിലെ അംഗങ്ങളെന്നാ കേള്‍ക്കുന്നത്‌…

-ശരിയായിരിക്കും.ഓനില്ലാത്ത തെണ്ടിത്തരങ്ങളുണ്ടോ?

-എന്നാലും ആ തങ്ങളും ഈ ഗ്യാങ്ങില്‍പ്പെട്ടുപോയല്ലോ..

-അത്‌ ശരിയല്ലെടീ…തങ്ങള്‍ മാന്യനാ…പക്ഷെ ചില ദൗര്‍ബല്യങ്ങളുണ്ട്‌.കുഞ്ഞാലിക്കുട്ടി അത്‌ മുതലാക്കുന്നു ..അത്രേയുള്ളൂ..

-കഷ്ടം!!!!!

2
——————-

-ചേച്ചീ.. ജി.എസ്‌.ടി.യു. എന്ന് കേട്ടിട്ടുണ്ടോ?

-പിന്നില്ലേ…കോണ്‍ഗ്രസ്സിന്റെ അധ്യാപക സംഘടന..

-കറക്റ്റ്‌.അവര്‍ ക്ലസ്റ്റര്‍ ബഹിഷ്കരിച്ചുവത്രെ.

-അത്‌ ശരിയല്ല.നേതാക്കന്മാര്‍ മാത്രമേ വരാതിരുന്നുള്ളൂ.അണികള്‍ക്ക്‌ സാമൂഹ്യ പ്രതിബദ്ധതയുള്ളതുകൊണ്ട്‌ പങ്കെടുത്തു.

-ഈ നേതാക്കളെന്തിനാ വിട്ടുനിന്നത്‌?

-ക്ലസ്റ്റര്‍ നടക്കുന്ന ദിവസം അഞ്ചോ പത്തോ കൂട്ടിക്കിട്ടാന്‍..

-ശ്ശെ..നക്കാപ്പിച്ച കാശിനു വേണ്ടിയാ…

-പിന്നല്ലാതെ..പതിനായിരങ്ങള്‍ ശമ്പളം വാങ്ങിന്നോരാ…പറഞ്ഞിട്ടെന്തു കാര്യം…കാശെന്നു കേട്ടാല്‍ വാ പിളര്‍ന്നുപോകും…

-കുട്ടികളെ നല്ല രീതിയില്‍ പഠിപ്പിക്കാനുള്ള പരിശീലനം ഉപേക്ഷിച്ചത്‌ ശരിയായില്ല.

-ഓ…പിന്നെ.. തള്ള ചത്താലും രണ്ടു പക്ഷം പറയുന്നോരാ..പിന്നെയാണ്‌…ഇവര്‍ക്ക്‌ എന്ത്‌ സ്കൂള്‌..ഏത്‌ കുട്ടികള്‌..ഉമ്മന്‍ ചാണ്ടിക്കും ചെന്നിത്തലയ്ക്കും ജയ്‌ വിളിക്കണം.ഉണ്ണണം…ഉറങ്ങണം…അത്ര തന്നെ..സ്വന്തം പിള്ളേരൊക്കെ അങ്ങ്‌ അണ്‍-എയിഡഡിലാണല്ലോ..

-സര്‍ക്കാര്‍ ഇവര്‍ക്കെതിരെ നടപടി എടുക്കുമെന്ന് പ്രഖ്യാപിച്ചിരിക്കുന്നു.

-അത്‌ വേണ്ടതു തന്നെ.ഈ നശൂലങ്ങളെ പീരിച്ചു വിടണം..എങ്കിലേ വിദ്യാഭ്യാസ രംഗം നന്നാവൂ…

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌———‌—————————————————————————————-

‌‌‌‌‌‌‌‌‌‌‌‌‌‌—‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌

Advertisements

അദ്വാനി പറഞ്ഞത് അക്ഷരം പ്രതി ശരിയാണ്..

അവിശ്വാസ പ്രമേയ ചര്‍ച്ചയില്‍ പങ്കെടുത്തുകൊണ്ട് ശ്രീ.എല്‍.കെ.അദ്വാനി പറഞ്ഞ അഭിപ്രായം-ആണവ കരാര്‍ പോലുള്ളവ പാര്‍ലമെന്റില്‍ ചര്‍ച്ച ചെയ്തേ നടപ്പിലാക്കാന്‍ സാധിക്കൂ എന്ന രീതിയിയില്‍ ഭരണഘടന ഭേദഗതി ചെയ്യണം.
തികച്ചും പ്രസക്തമായ നിരീക്ഷണം!

ജനാധിപത്യത്തിന് അപമാനകരമായ കാര്യങ്ങളാണ് ഡല്‍ഹിയില്‍ നടന്നുകൊണ്ടിരിക്കുന്നത്.
എം.പി മാരെ ചാക്കിട്ടു പിടിക്കാന്‍ നെട്ടോ‍ട്ടമോടുകയാണ് കോണ്‍ഗ്രസ്സ്.

ഈ കരാര്‍ ആര്‍ക്കു വേണ്ടിയാണ്?

കോടികള്‍ മുടക്കി ആണവ കരാര്‍ പസ്സാക്കുന്നത് എന്തിന് വേണ്ടി?

എം.പി. മാരെ കൂടെ നിര്‍ത്താന്‍ കോണ്‍ഗ്രസ്സിന് കോടികള്‍ ഒഴുക്കുന്നത് വങ്കിട കോര്‍പ്പറേറ്റുകളാണ്!
അവരുടെ താല്പര്യം എന്താണ്?

കഴിഞ്ഞ രണ്ടുവര്‍ഷം പറഞ്ഞിട്ടും മനസ്സിലാകാത്ത കാര്യം പെട്ടെന്ന് പിടികിട്ടി കോണ്‍ഗ്രസ്സിനെ അനുകൂലിക്കുന്നവര്‍ ജനാധിപത്യത്തിന്റെ കശാപ്പുകാരല്ലേ?
അവര്‍ക്ക് സ്വാര്‍ത്ഥലാഭമല്ലാതെ മറ്റെന്താണുള്ളത്?

സ്വാതന്ത്ര്യ സമരത്തിന്റെ പാരമ്പര്യം അവകാശപ്പെടുന്ന ഒരു പാര്‍ട്ടി ഇത്ര അധ:പതിക്കാമോ?

പാര്‍ലമെന്റിന്റെ മൂന്നില്‍ രണ്ട് ഭൂരിപക്ഷം ഉണ്ടെങ്കിലേ ഇത്തരത്തിലുള്ള കരാറുകള്‍ പാസ്സാകുകയുള്ളൂ എന്ന് നിയമമുണ്ടാക്കണം.
കാരണം ഇത് കേവലം രണ്ട് വ്യക്തികള്‍ തമ്മിലുള്ള കരാറല്ല.
രണ്ട് രാജ്യങ്ങള്‍ തമ്മിലാണ്..
അത് ഭാവി തലമുറയെ ബാധിക്കുന്നതാണ്.

ആര്‍ക്കോ കൊടുത്ത് വാക്ക് പാലിക്കാനെന്ന വിധത്തിലാണ് കോണ്‍ഗ്രസ്സ് പെരുമാറുന്നത്.

മന്മോഹന്‍ സിംഗ്‌ അമേരിക്കയിലേക്ക്‌… സോണിയ ഇറ്റലിയിലേക്ക്‌…. ഇന്‍ഡ്യയിലെ കോണ്‍ഗ്രസ്സുകാര്‍ പാതാളത്തിലേക്കും…!

ആണവകരാര്‍ പ്രശ്നത്തില്‍ മന്മോഹന്‍ സിംഗ്‌ സേച്ഛാധിപതിയെപ്പോലെ പെരുമാറുന്നുവത്രെ!

ആരോടും കൂടി ആലോചിക്കാതെ തീരുമാനങ്ങളെടുക്കുന്നു…

ചര്‍ച്ചചെയ്യുമെന്ന് മുതിര്‍ന്ന കോണ്‍ഗ്രസ്സ്‌ നേതാക്കള്‍…

ഒപ്പിടാന്‍ തീയതിയേ നിശ്ചയിക്കേണ്ടതുള്ളൂ എന്ന് മന്മോഹന്‍-

സോണിയ്ക്ക്‌ പ്രത്യേകിച്ച്‌ അഭിപ്രായമൊന്നുമില്ല..ബുഷിനോട്‌ മമതയുണ്ടുതാനും!
രോഗി ഇച്ഛിച്ചതും വൈദ്യന്‍ കല്‌പിച്ചതും പാല്‍ എന്ന ഒരു ലൈന്‍–

ആരുമായിട്ടൊക്കെ അമേരിക്ക ചങ്ങാത്തം കൂടിയിട്ടൊണ്ടോ അവരൊക്കെ കുത്തുപാളയെടുത്തിട്ടുണ്ട്‌.-അതാണ്‌ ചരിത്രം.

കുടിയേറ്റക്കാരന്മാരുടെ ചരിത്രമാണ്‌ അമേരിക്കയുടേത്‌..

ആണവകരാറിന്റെ ഗുണദോഷങ്ങള്‍ വിശദീകരിക്കാന്‍ കോണ്‍ഗ്രസ്സിനിതുവരെ സാധിച്ചിട്ടില്ല.

അതിന്റെ ആപത്തുക്കള്‍ ഇടതുപക്ഷം നിരത്തിവച്ചിരിക്കുന്നു..കോണ്‍ഗ്രസ്സിന്‌ അത്‌ കണ്ട ഭാവമില്ല!
അങ്ങാടിമരുന്നാണോ പച്ചമരുന്നാണോ എന്നൊരു അങ്കലാപ്പ്‌….

കേരളത്തില്‍ ടോം വടക്കനും എം.ഐ.ഷാനവാസും മറ്റും മറ്റും ബുജികളെപ്പോലെ,കുരുടന്‍ ആനയെ കണ്ടതുപോലെ…നട്ടപ്പിരാന്തുകള്‍ വിളിച്ചു പറയുന്നു…
ആര്‍ക്കും ഒന്നും മനസ്സിലാകുന്നില്ല.

സര്‍ക്കാര്‍ വീണാലും ഒപ്പിടും എന്ന് പ്രധാനമന്ത്രി–
അമേരിക്കന്‍ പൗരത്വം സ്വപ്നം കാണുന്ന അദ്ദേഹത്തെ കുറ്റം പറയേണ്ടതില്ല.ലോക ബാങ്കിന്റെ പഴയ ഉദ്യോഗസ്ഥനാണല്ലോ.ആ വിധേയത്വം കാണിക്കണമെല്ലോ..

സോണിയയ്ക്ക്‌ രഷ്ട്രീയം മടുത്തു.സ്വന്തം രാജ്യത്തിലേയ്ക്കൊരു മടക്കം അവരും ആഗ്രഹിക്കുന്നുണ്ടാവാം…

ഇവരെ തലയിലെടുത്തു നടന്ന ഇന്‍ഡ്യന്‍ ‘സിങ്കങ്ങള്‍’ എങ്ങോട്ട്‌ പോകും…

വിശ്വാസവോട്ട്‌ നേടാന്‍ രാഷ്ട്രീയ കുതിരക്കച്ചവടം പൊടിപൊടിക്കുന്നുവത്രെ!

കോടികളാണ്‌ ഒരു എം.പി യുടെ വില-
പണപ്പെരുപ്പം എന്നുപറയുന്നത്‌ ഇതാണോ?

ആണവകരാറിലൂടെ ഇന്‍ഡ്യയുടെ പരമാധികാരം അപകടത്തിലാകും എന്നത്‌ നിസ്തര്‍ക്കമായ കാര്യമാണ്‌.
രാജ്യത്തെ പണയപ്പെടുത്തുന്നവരെ ജനം കൈകാര്യം ചെയ്യാതിരിക്കുമോ..!
ഈശ്വരോ രക്ഷതൂ…

വാല്‍ക്കഷണം-പരശുരാമനെ ഉപാസിക്കുകയാണ്‌ കോണ്‍ഗ്രസ്സുകാരിപ്പോള്‍..
മഴുവെറിഞ്ഞ്‌ ഒരു പുതിയ ഭൂഭാഗം സൃഷ്ടിക്കാന്‍..!
വേറെയെവിടെയാണ്‌ അഭയം????

ക്ഷമാപണം….

ഔദ്യോഗിക തിരക്കുകള്‍ കാരണം ‘ബ്ലോഗ് നിരൂപണം-വാല്യം-8‘ പോസ്റ്റുചെയ്യാന്‍ കഴിഞ്ഞില്ല.

എട്ടാം വാല്യം അടുത്ത ആഴ്ച പ്രസിദ്ധീകരിക്കുന്നതാണ്.

സ്നേഹത്തോടെ,
വിദൂഷകന്‍.

ബ്ലോഗ്‌ നിരൂപണം. വാല്യം-6 .29/06/2008 ല്‍ വിദൂഷകന്റെ ബ്ലോഗില്‍ വന്നത്

ആ കാപാലികരെ തീക്കുണ്ഠത്തിലെറിയൂ…
——————————————–

അധ്യാപക സമൂഹത്തിന്‌ അപമാനമായ രണ്ട്‌ മനുഷ്യാധമരാണ്‌ മലപ്പുറം തിരൂരങ്ങാടി തൃക്കുളം ഗവ.യു.പി.സ്കൂള്‍ അധ്യാപകനായ ടി.സൂപ്പിയും മാട്ടൂല്‍ നോര്‍ത്ത്‌ എന്‍.എം.യു.പി.സ്കൂള്‍ അധ്യാപികയായ പി.വി.ശൈലജയും!

ഏഴാം തരം സാമൂഹ്യപാഠത്തിലെ ‘മതമില്ലാത്ത ജീവന്‍’ എന്ന പാഠഭാഗം നശിപ്പിക്കാന്‍ രണ്ടുപേരും കുട്ടികളോട്‌ ആവശ്യപ്പെട്ടിരിക്കുന്നു!പാവം കുട്ടികള്‍ അതനുസരിച്ചു.

ഈ മനോരോഗികളെ സര്‍വ്വീസില്‍ നിന്ന് പിരിച്ചുവിടേണ്ടതാണ്‌!
സര്‍ക്കാര്‍ പാഠപുസ്തകം കീറാന്‍ പ്രേരിപ്പിക്കുന്നത്‌ ക്രിമിനല്‍ കുറ്റമാണ്‌.

വിദ്യാഭ്യാസ സ്ഥാപനങ്ങളുടെ ഏഴയല്‍പക്കത്ത്‌ പ്രവേശിക്കാന്‍ അവരെ അനുവദിച്ചുകൂടാ..

ഈ രണ്ട്‌ സാമൂഹ്യ ദ്രോഹികളെയും തീക്കുണ്ഠത്തിലെറിയണമെന്നാണ്‌ വിദൂഷകന്റെ അഭിപ്രായം.
പാതി വേകുമ്പോള്‍ കിണ്ടിയെടുത്ത്‌ ശൈലജയുടെ ഭര്‍ത്താവും ‘സംഘടനാ’പ്രവര്‍ത്തകനുമായ ആ വൃത്തികെട്ട ജന്തുവിനെക്കൊണ്ട്‌ തീറ്റിക്കണം!

ഇതാണ്‌ അന്ത്യവിധി!!

______________________________________________________________________________________

വെള്ളെഴുത്തിന്റെ ‘പല പോസിലുള്ള ചവിട്ടുകള്‍’
____________________________________________________

മലയാള സാഹിത്യരംഗത്തെ തൊഴിത്തില്‍ക്കുത്തുകള്‍ പുതിയ വാര്‍ത്തയല്ല.

‘അമ്പട ഞാനേ’-എന്ന ഭാവമില്ലാത്ത എഴുത്തുകാര്‍ ചുരുക്കം.

മേതില്‍ രാധാകൃഷ്ണനേയും കെ.പി.നിര്‍മ്മല്‍ കുമാറിനേയും കുറേക്കാലം കെട്ടി എഴുന്നള്ളിച്ച്‌ നടന്നത്‌ കെ.പി.അപ്പനാണ്‌.
ആസ്വാദകര്‍ കണ്ടതായി ഭാവിച്ചില്ല!

മറ്റൊരു സാഹിത്യപുപ്പുലിയാണ്‌ സച്ചിദാനന്ദന്‍.
ഭേദപ്പെട്ട കുറേ കവിതകള്‍ എഴുതിയിട്ടുണ്ട്‌.
അതൊക്കെ ക്ലാസ്സിക്കുകളെന്നാണ്‌ അദ്ദേഹത്തിന്റെ ഭാവം..

ഇവരുടെ പടലപ്പിണക്കങ്ങളെയും മറ്റും കുറിച്ച്‌ വെള്ളെഴുത്ത്‌ വിശദമായി എഴുതിയിരിക്കുന്നു..
‘വെള്ളെഴുത്തില്ലാത്ത ഒരാള്‍’-എന്ന് വിശേഷിപ്പിക്കാന്‍ തോന്നുന്നു.

സത്യസന്ധമായ ആ പോസ്റ്റ്‌ വായിച്ചപ്പോള്‍ ഓര്‍മ്മയിലെത്തുന്നത്‌ പഴയ ഞണ്ട്‌ പ്രദര്‍ശനമാണ്‌.

വിവിധ രാജ്യങ്ങളില്‍ നിന്നുള്ള ഞണ്ടുകളുടെ ഒരു പ്രദര്‍ശനം സംഘടിപ്പിച്ചു.
ഓരോ രാജ്യക്കാരും അടച്ച കുപ്പികളില്‍ ഞണ്ടുമായി വന്നു.
കേരളത്തില്‍ നിന്നുള്ള ഞണ്ടുകള്‍ ഇട്ടിരുന്ന കുപ്പിയ്ക്ക്‌ മാത്രം അടപ്പില്ലായിരുന്നു!

-അവ പുറത്ത്‌ ചാടി പോവില്ലേ-എന്ന് കാണികള്‍ ചോദിച്ചപ്പോള്‍ കിട്ടിയ മറുപടി ഇപ്രകാരമാണത്രെ…

‘ഇല്ല.ഒന്ന് മുകളിലേക്ക്‌ കയറുമ്പോള്‍ മറ്റുള്ളവ അതിനെ പിടിച്ച്‌ താഴത്തേക്ക്‌ ഇട്ടോളും’

മലയാള സാഹിത്യത്തിന്‌ വളരെ യോജിക്കുന്ന ഫലിതമാണിത്‌.

സാഹിത്യപ്രേമികള്‍ ആ പോസ്റ്റ്‌ നിര്‍ബന്ധമായും വായിച്ചിരിക്കേണ്ടതാണ്‌…

ഏറെ പണിപ്പെട്ട്‌ സമയം ചെലവഴിച്ചാണ്‌ പോസ്റ്റ്‌ തയ്യാറാക്കിയിരിക്കുന്നത്‌

കെട്ട്യോളും കുട്ട്യോളും ശല്യ(?)പ്പെടുത്താന്‍ ഇല്ലാത്തത്‌ ഭാഗ്യം!

എല്ലാ ഭാവുകങ്ങളും നേരുന്നു.

www.vellezhuthth.blogspot.com

________________________________________________________________________________________

ഞങ്ങളുടെ അന്നദാതാവ്‌
——————————


ഒരു അനുഭവ കഥ ഇവിടെ വായിക്കാം.
ധന്യയെന്ന 22 കാരിയുടെ കൊച്ചു ജീവിതത്തിന്റെ നഖചിത്രം.

ചെങ്കല്‍ച്ചൂള ടൈംസ്‌ -ആണത്രെ ധന്യ..
ഉരുളയ്ക്ക്‌ ഉപ്പേരിപോലെ മറുവാക്ക്‌ പറയുന്നവള്‍..
ഏറെ സ്വപ്നം നെയ്തു കൂട്ടിയിട്ടുള്ളവള്‍..

ഉള്ളതുകൊണ്ട്‌ തൃപ്തിയുള്ള ജീവിതം നയിക്കുന്ന ഒരാള്‍..
നാഗരികതയുടെ നാട്യങ്ങള്‍ അജ്ഞാതമാണ്‌.

ഒഴുക്കുള്ള വിവരണം.
‘ചെറിയ ചില വര്‍ത്തമാനങ്ങള്‍’ എന്ന ബ്ലോഗിന്‌ തികച്ചും അനുയോജ്യമായത്‌.

www.cheriyachilavarthamanagal.blogspot.com

_______________________________________________________________________________________

ഏലാ വാര്‍ത്തകള്‍
—————————

1
———————–

-എടീ സരസൂ നീ അറിഞ്ഞാ..പാഠപുസ്തകത്തിനെതിരെയുള്ള ഇടയ ലേഖനം തയ്യാറായത്രെ!29/06/08 ന്‌ കത്തോലിക്കാ പള്ളികളില്‍ വായിക്കാന്‍ പോകുന്നു..

-ചേച്ചീ,ഇവന്മാര്‍ക്ക്‌ വേറെ പണിയൊന്നുമില്ലേ?

-കൊറേ കെഴങ്ങനച്ചന്മാര്‍ക്കും കൊച്ചച്ചന്മാര്‍ക്കും ‘ഊരലും കടിയും’തൊടങ്ങിയിട്ട്‌ കുറച്ചായി..ളോഹയ്ക്കുള്ളില്‍ കൈയിട്ട്‌ ചൊറിയാന്‍ വല്യ പാടാ…

-അത്‌ ശരി തന്നെ.പക്ഷെ അതിനിപ്പൊ ചെന്നിത്തലയനും ചണ്ടിയും കുഞ്ചാലിയും മാണിയും ഉണ്ടല്ലോ..

-ഇത്‌ അതുകൊണ്ടൊന്നും തീരില്ല മോളേ…വിമോചന സമരം ഒണ്ടാക്കാനാ പരിപാടി…

-മറ്റ്‌ ക്രിസ്ത്യന്‍ സമൂഹങ്ങള്‍…?

-അവര്‍ക്ക്‌ ബോധമുണ്ട്‌.പാഠപുസ്തകത്തില്‌ മതത്തിനെതിരെ ഒന്നുമില്ലെന്നും സമരം അനാവശ്യമാണ്‌ എന്നും അവര്‍ പറഞ്ഞുകഴിഞ്ഞു.

-ഇവന്മാരുടെ അസുഖം അപ്പോ തീരില്ലേ?

-തീര്‍ക്കാന്‍ വഴിയുണ്ട്‌.പാവം സാധാരണ വിശ്വാസികള്‍ ഉണരണം.അവര്‍ ക്രിസ്തുവിനെ ധ്യാനിച്ചുകൊണ്ട്‌….
ഇവന്മാരുടെ ളോഹ പൊക്കി…നല്ല ചൂരല്‍കൊണ്ട്‌..’ക ച ട ത പ’…..

-ശാന്തം പാപം…

-ഓ…ഒരു പാപോം ഇല്ലെടീ..

നാട്‌ നന്നാവണ്ടേ?
ഒരു രാജ്യത്തിനുവേണ്ടി ഒരു സംസ്ഥാനത്തേയും ഒരു സംസ്ഥാനത്തിനുവേണ്ടി ഒരു ജില്ലയേയും ഒരു ജില്ലയ്ക്കു വേണ്ടി ഒരു പഞ്ചായത്തിനേയും ബലികഴിക്കാമെന്ന് പണ്ടാരോ പരഞ്ഞിട്ടുണ്ട്‌.ആ പ്രമാണം വച്ച്‌ ഒരു സംസ്ഥാനത്തിനുവേണ്ടി മേല്‍പ്പറഞ്ഞ മതവെറിയന്മാരെ………!!!

പെട്ടെന്ന് ദൂരെ പള്ളിമണികള്‍ ശബ്ദിക്കുന്നു..ഏറെ സന്തുഷ്ടനായുള്ള യേശുവിന്റെ മുഖം ആകാശത്തില്‍ നറയുന്നു…
കൂടെ ഒരശരീരിയും…

“ഇവരെ കല്ലെറിയുക”

2
—————-

-സരളേച്ചീ,ഓടിക്കോ…ഈീസ്‌ ക്രീംവീരന്‍ വരുന്നു…കയ്യില്‍ കിത്താബുമുണ്ട്‌…

-പേടിക്കേണ്ടടീ.. ഓനെ റജീന നേരിട്ടോളും..

-എന്താ ഇപ്പോ കിത്താബുമായിട്ട്‌?

-കിത്താബല്ലെടീ,മുസ്ലിം പള്ളികളില്‍ വായിക്കാനുള്ള സാധനമാ..പാഠപുസ്തകത്തിനും സര്‍ക്കാരിനും എതിരെയുള്ള ലേഖനങ്ങള്‍…

-അപ്പൊ ഇയവരും തൊടങ്ങിയോ?

-വല്ല നേരമ്പോക്കും വേണ്ടേ…മറ്റേ പണി തടികേടാക്കുന്നതാ..പോരെങ്കില്‍ കോടിയേരിയുടെ പോലീസാ …ഇതാകുമ്പോ ആ പ്രശ്നമില്ല.

-ഉദണ പുരണം തന്നെ പ്രശനം അല്ലേ?

-പിന്നല്ലാതെ.

-മാമനും മച്ചമ്പിക്കും നേതാവാന്‍ കഴിയുന്ന ഒരു വര്‍ഗ്ഗീയ പാര്‍ട്ടിയേയുള്ളൂ…അത്‌ ലീഗാണ്‌.

കുട്ടികള്‍ക്ക്‌ വിവരം വന്നിതൊടങ്ങിയിട്ടുണ്ട്‌..ഏറെക്കാലം അവരിത്‌ അനുവദിക്കില്ല.

-തന്ന തന്നെ…

ടി.സിദ്ദിഖിന്റെ പൂഴിക്കടകന്‍ – ചെന്നിത്തലയ്ക്കും ഹൈബിയ്ക്കും എതിരെ……

യൂത്ത്‌ കോണ്‍ഗ്രസ്സിലെ ലക്ഷണംകെട്ട കുട്ടി സിദ്ദിഖ്‌ അവസാനം ആ കടുംകൈയ്ക്കൊരുങ്ങുന്നു!

നിരഹാരം തുടങ്ങുന്നുവത്രെ!

എന്തിന്‌ വേണ്ടി?

പാഠപുസ്തകം പിന്‍ വലിക്കാന്‍..

അക്രമസമരം ഇത്ര വേഗം മടുത്തോ?

അതിനാളെ കിട്ടേണ്ടേ…

മലപോലെ വന്ന ഹൈബി ഈഡന്‍ ആയുധം വച്ച്‌ കീഴടങ്ങി ആശുപത്രിയില്‍ സുഖ ചികിത്സയിലാണ്‌.
നമുക്കിത്രയൊക്കെയേ പറ്റൂ എന്ന് ആത്മഭാഷണം…

ഹൈബിയെ കടത്തിവെട്ടാന്‍ ഉപായങ്ങളാലോചിച്ച്‌ നിദ്രാവിഹീനങ്ങളായ രാവുകള്‍ തള്ളിനീക്കിയ സിദ്ദിഖ്‌ ഒടുവില്‍ വഴികണ്ടെത്തി-‘നിരാഹാരം!’.

വായനയില്ലാത്തതുകൊണ്ട്‌ ചിന്തിക്കുക,നിരൂപണം ചെയ്യുക തുടങ്ങിയവ ഇല്ല.

എസ്‌.എഫ്‌.ഐ,ഡി.വൈ.എഫ്‌.ഐ ,എ.ഐ.വൈ.എഫ്‌..തുടങ്ങിയ സംഘടനകളുടെ നേതാക്കളുടെ വാക്ചാതുരിയും ഊര്‍ജ്ജസ്വലതയും കണ്ട്‌-‘വെറുതെ മോഹിക്കുവാന്‍ മോഹം’-എന്ന് സമാധാനിക്കുന്നു.

അണികളില്ലാത്തതിനാല്‍ കാര്യമായ പണിയില്ല;കുട്ടിനേതാക്കളെക്കൊണ്ട്‌ പ്രശ്നങ്ങള്‍ ആവോളമുണ്ടുതാനും.

ചില പിരിവൊക്കെ സ്വന്തം നിലയ്ക്ക്‌ ഏറ്റെടുക്കുക ഉണ്ടായിട്ടുണ്ട്‌.അതിന്റെ ചരിത്രം കേരളീയര്‍ക്ക്‌ അറിയാവുന്നതാണ്‌.

പിരിച്ചതിന്റെ പാതിയിലേറെ പുട്ടടിച്ചു.ബാക്കിയും കൊണ്ട്‌ ഡല്ലിയിലെത്തിയപ്പോള്‍ വിരട്ടിയോടിക്കുകയുണ്ടായി!

വിമാനക്കൂലി സംഘടിപ്പിച്ച്‌ ഡല്ലിയില്‍ പോയി കറങ്ങി തിരികെ വരികയാണ്‌ പ്രധാന ഹോബി.(സാരമേയം ചന്തയ്ക്ക്‌ പോയതുപോലെയേയുള്ളൂ)

കെ.എസ്‌.യു എന്ന സാധു സംഘടനയുടെ സായുധസമരത്തെ ആളിക്കത്തിക്കാന്‍ ഗുണ്ടകളെ ഏര്‍പ്പാട്‌ ചെയ്തുകൊടുത്തു!
മുന്‍ സമരത്തിന്റെ അനുഭവം സുഖകരമായിരുന്നില്ല.

സമരത്തിനിടയില്‍ ദീപ്തിയെന്ന നേതാവിനെ തങ്ങള്‍ ഏര്‍പ്പാട്‌ ചെയ്ത ഗുണ്ടയില്‍ നിന്ന് രക്ഷിക്കാന്‍ യൂത്തന്മാര്‍ പെട്ടപാട്‌ നമ്മളൊക്കെ കണ്ടതാണ്‌.(ആ ഗുണ്ട ഒന്നിലേറെ ബലാല്‍സംഗ കേസിലെ പ്രതിയാണ്‌!)
‘ഇതിനാണ്‌ സ്വയംകൃതാനര്‍ത്ഥം എന്നു പറയുന്നത്‌’.

നിരാഹാരം കിടക്കാന്‍ ചെല്ലും ചെലവും കൊടുത്ത്‌ ആളെ ഇറക്കിയിരിക്കുകയാണിപ്പോള്‍…ചിലരൊക്കെ പിണങ്ങിയും പോയി..
‘അന്നവിചാരം മുന്നവിചാരം എന്നാണല്ലോ’

ഏറ്റവും ഒടുവിലത്തെ അമിട്ടാണ്‌ സിദ്ദിഖിന്റെ നിരാഹാരം!(അണികളെ ഉഷാറാക്കാന്‍ ‘പോലീസിനെ കൈകാര്യം ചെയ്യും,സമരത്തെ നേരിടുന്ന പോലീസുകാരുടെ എണ്ണമെടുക്കും’-എന്നൊക്കെ വെറുതെ വിളിച്ചുകൂവുന്നുമുണ്ട്‌)

ചെന്നിത്തലയ്കും ഹൈബിയ്ക്കും അങ്കലാപ്പ്‌ സൃഷ്ടിക്കലാണ്‌ പ്രധാന ഉദ്ദേശ്യം.യൂത്ത്‌ കോണ്‍ഗ്രസ്‌ വിചാരിച്ചാലും പലതും നടക്കും എന്നു കാണിച്ചുകൊടുക്കണമെല്ലോ…
പറ്റുമെങ്കില്‍ അടുത്ത തെരഞ്ഞെടുപ്പില്‍ ഒരു സീറ്റ്‌….അത്രയൊക്കെയേ ആഗ്രഹിക്കുന്നുള്ളൂ..

വിദൂഷകന്റെ മുന്നറിയിപ്പ്‌-പട്ടിണികെടന്ന് ചത്താല്‍ ഒരു–ഉം തിരിഞ്ഞിനോക്കില്ല!ജീവന്‍ കെടന്നാല്‍ കൂലിവേലയെടുത്തെങ്കിലും ജീവിക്കാം.

ജനത്തിന്‌ ഈ കലാപരിപാടിയില്‍ താല്‌പര്യമില്ല.

വാല്‍ക്കഷണം-പാഠപുസ്തകം പിന്‍ വലിക്കാനാണ്‌ നിരാഹാരം.പുസ്തകം പഠിപ്പിച്ച്‌ തീരാറായി.കുട്ടികള്‍ക്കിനി അവ വേണ്ട.അവ മൊത്തമായി തൂക്കിയെടുക്കാന്‍ യൂത്തന്മാരെ നിയോഗിക്കാവുന്നതാണ്‌.എന്നിട്ട്‌ കീറുക,കത്തിക്കുക തുടങ്ങിയ ക്ലീഷേകള്‍ അഭംഗുരം തുടര്‍ന്നാലും!

ബ്ലോഗ്‌ നിരൂപണം-വാല്യം-7 (06/07/2008)

ഇരുട്ടിന്റെ സന്തതികള്‍
____________________________________

വര്‍ത്തമാന കാലത്തെ വിശകലനം ചെയ്യുകയാണ്‌ കവി.
പുതിയ ഇമേജുകള്‍ ഉപയോഗിച്ചിരിക്കുന്നു.

ഇരുട്ടിന്റെ സന്തതികള്‍ തിമിര്‍ത്താടുന്നതിനാല്‍ ഗരുഢന്‍ ഉണര്‍ന്നിരിക്കേണ്ടതുണ്ട്‌!

ഗരുഢനെ മനുഷ്യ വിമോചനത്തിന്റെ,മൂല്യ സംരക്ഷണത്തിന്റെ പ്രതിരൂപമായി അവതരിപ്പിച്ചിരിക്കുന്നു.
ഗരുഢന്റെ കഥ കവിതയ്ക്ക്‌ ആഴം നല്‍കുന്നു.

‘മിഴി തെളിക്കേണ്ട വെളിച്ചമേടുത്ത്‌
ശവ’ദാഹം’തീര്‍ത്ത തീക്കൊള്ളികള്‍’

‘നിത്യവും
സ്നേഹദളങ്ങള്‍ ചേര്‍ത്തുവച്ച്‌
വ്യാസം കൂട്ടിയെടുക്കുന്ന
സഹിഷ്ണതയുടെ വ്യത്തം മുറിച്ച്‌ കളഞ്ഞ്‌
വിഷപ്പല്ലുകള്‍ ഇഴഞ്ഞടുക്കുന്നു..’

അതിനാല്‍-

ഗരുഢന്‍ ഉണര്‍ന്നിരിക്കണം
ഉണര്‍ന്നുതന്നെയിരിക്കണം!

കൂടുതല്‍ നല്ല കവിതകള്‍ പ്രതീക്ഷിക്കാവുന്ന തൂലികയാണ്‌ ചന്ത്രകാന്തത്തിന്റേത്‌.

www.chandrakaantham.blogspot.com

_______________________________________________________________________________________

കൂടുതല്‍ മക്കള്‍…കൂടുതല്‍ ഭദ്രത..
__________________________________________

പ്രതിലോമപരമായ പോസ്റ്റുമായി ഡീക്കന്‍ വീണ്ടുമെത്തിയിരിക്കുന്നു!

കൂടുതല്‍ മക്കളുണ്ടായാല്‍ കൂടുതല്‍ ഭദ്രതയുണ്ടാകുമത്രെ.
അഖില ലോക വിവരദോഷികളുടെ സമിതിയാണ്‌ ഈ കണ്ടെത്തല്‍ നടത്തിയിരിക്കുന്നത്‌.

മിനിമം കോമണ്‍സെന്‍സുള്ള ആരും ഇതംഗീകരിക്കാന്‍ ഇടയില്ല.

ഊളമ്പാറയിലെ അന്തേവാസികള്‍ ഇതിനെ അനുകൂലിച്ചേക്കും.അവര്‍ കെ.സി.ബി.സി ക്ക്‌ ജയ്‌ വിളിക്കും!

ഡീക്കന്‍ ബ്ലോഗു തുടങ്ങിയതുകൊണ്ട്‌ ഉണ്ടായ മെച്ചങ്ങള്‍ ഇവയാണ്‌-

1.കേരളത്തിലെ കത്തോലിക്കരെക്കുറിച്ച്‌ പൊതുജനത്തിനുണ്ടായിരുന്ന മതിപ്പ്‌ ഇല്ലാതായി.

2.അന്ധകാരയുഗത്തിലാണ്‌ തങ്ങളെന്ന് ഇവര്‍ നിരന്തരം ഓര്‍മ്മിപ്പിച്ചുകൊണ്ടേയിരിക്കുന്നു.

3.മലര്‍ന്നുകിടന്ന് തുപ്പാനും കൊനഷ്ട്‌ ന്യായങ്ങള്‍ കണ്ടുപിടിക്കാനും അഗ്രഗണ്യരാണ്‌ തങ്ങളെന്ന് തെളിയിച്ചു.

സാധാരണ കത്തോലിക്കന്‍ ഇക്കൂട്ടത്തില്‍പെടുന്നില്ല എന്നത്‌ ആശ്വാസകരമാണ്‌.

അച്ചന്മാര്‍ പിള്ളേരെ ഉല്‌പാദിപ്പിക്കാന്‍ പറഞ്ഞുതീരും മുമ്പെ ചില കന്യാസ്ത്രീകള്‍ പ്രവര്‍ത്തനം ആരംഭിച്ചു കഴിഞ്ഞു എന്നത്‌ പവ്വത്തിലിനും കൂട്ടര്‍ക്കും ആശ്വാസകരമായ വാര്‍ത്തയാണ്‌ എന്നതില്‍ സശയമില്ല.

ഹഫീഫ്‌ എന്ന വായനക്കാരന്‍ എഴുതുന്നു-‘കെ.സി.ബി.സി.യുടെ ആഹ്വാനം കേട്ടപാതി കേള്‍ക്കാത്തപാതി ആലുവായില്‍ ഒരു കന്യാസ്ത്രീ സ്വന്തം നിലയ്ക്ക്‌ പരിശ്രമം തുടങ്ങിയത്‌ വാര്‍ത്തയായി.പിന്നെ കോട്ടയത്ത്‌ ഒരു കൊച്ചച്ചന്‍ രണ്ടു പിള്ളേരുടെ തള്ളയേയും കൊണ്ട്‌ ഒളിച്ചോടി,തന്റെ കോന്റ്രിബ്യൂഷനുവേണ്ടി ആഞ്ഞ്‌ ശ്രമിക്കുന്നു.ഡീക്കന്‍ അച്ചനും സ്കോപ്പ്‌ ഒണ്ട്‌. ഒന്ന് ആഞ്ഞ്‌ ശ്രമിച്ചുകൂടെ?’

ഇതില്‍ കൂടുതലൊന്നും പറയാനില്ല.

പ്രാര്‍ത്ഥന-1-‘കരുണാമയനായ കര്‍ത്താവേ, കേരളത്തിലെ കത്തോലിക്കര്‍ക്ക്‌ ബാധ്യതയായ മഴുവനച്ചന്മാര്‍ക്ക്‌ നേര്‍ബുദ്ധി നല്‍കേണമേ….ആമേന്‍..’

www.catholicismindia.blogspot.com

_____________________________________________________________________________________

അവളറിയാത്ത നിമിഷങ്ങള്‍
____________________________________

ഒരു വലിയ ഇതിവൃത്തം ചെറുകഥയുടെ ചട്ടകൂടില്‍ ഒതുക്കാന്‍ ഇവിടെ ശ്രമിച്ചിരിക്കുന്നു.

ശോകമാണ്‌ സ്ഥായീഭാവം.
നാം കണ്ടും കേട്ടും മടുത്ത ഒരു കഥാതന്തു..തികച്ചും പഴഞ്ചന്‍ സങ്കേതത്തില്‍ പറഞ്ഞൊപ്പിക്കാനുള്ള ശ്രമം…

ചെറുകഥയുടെ ‘ഗുട്ടന്‍സ്‌’ഈ കഥാകൃത്തിന്‌ പിടികിട്ടിയിട്ടില്ല.

കഥയെഴുതാനുള്ള സ്നേഹതീരത്തിന്റെ ആഗ്രഹത്തെ അഭിനന്ദിക്കാം.
ആഗ്രഹം മാത്രം മതിയോ?
പോരാ
ധാരാളം വായിക്കണം.
ക്രാഫ്റ്റ്‌ മനസ്സിലാക്കണം.
എന്നിട്ട്‌ എഴുതിയാല്‍ പോരേ…

വിദൂഷന്റെ അഭിപ്രായങ്ങള്‍ പോസിറ്റീവായി എടുക്കണേ..

www.snehatheerath.blogspot.com

____________________________________________________________________________________

മനുഷ്യത്വം മതവിരുദ്ധമോ
___________________________________________

ഏഴാംതരം സാമൂഹ്യശാസ്ത്ര പുസ്തകത്തിനെതിരെയുള്ള സമരാഹ്വാനങ്ങള്‍ വിവരക്കേടില്‍ നിന്നുണ്ടായതാണെന്ന് ഹമീദ്‌ സാര്‍ സമര്‍ത്ഥിക്കുന്നു.

മതേതരത്വത്തിന്റെ അര്‍ത്ഥമറിയാത്ത ജാതി-മത-രാഷ്ട്രീയ വേതാളങ്ങള്‍ വെറുതെ ഒച്ച വയ്ക്കുന്നു.
അതിനൊപ്പം താളം ചവിട്ടാന്‍ കുറെ കുട്ടിക്കുരങ്ങന്മാരുമുണ്ട്‌..

പുസ്തകത്തില്‍ യാതൊരു മതനിന്ദയുമില്ലെന്ന് ലേഖകന്‍ ഉദാഹരണ സഹിതം തെളിവ്‌ നല്‍കുന്നു.

സമരാഭാസത്തിന്‌ കച്ചകെട്ടി ഇറങ്ങിയവര്‍ ഇതൊന്ന് വായിച്ചിരുന്നുവെങ്കില്‍-വിദൂഷകന്‍ വെറുതെ ആശിച്ചുപോകുന്നു.

ഏഴാം ക്ലാസ്സിലെ പുസ്തകമെന്ന് പറഞ്ഞ്‌ രണ്ടിലേയും നാലിലേയും പാഠപുസ്തകങ്ങള്‍ (അറബി)അഗ്നിക്ക്‌ ഇരയാക്കിയ വിവരംകെട്ട മാപ്പിളക്കുട്ടികള്‍ അറിയുന്നതിന്‌ ചില പുതിയ വിവരങ്ങള്‍ ഈ ലേഖനത്തിലുണ്ട്‌.’നാലിടത്ത്‌ സൂപ്പി’-വായിച്ചാല്‍ മനസ്സിലാവില്ല,അദ്ദേഹം ശ്രമിക്കേണ്ടതില്ല!

എല്ലാ ബ്ലോഗര്‍മാരും ഈ പോസ്റ്റ്‌ വായിക്കണമെന്ന് അഭ്യര്‍ത്ഥിക്കുന്നു..

www.hameedchennamangallor.blogspot.com

______________________________________________________________________________________

ഏലാ വാര്‍ത്തകള്‍
__________________________

(കുഴിച്ചെടുത്ത്‌ അവതരിപ്പിക്കുന്നത്‌ സരസുവും സരളയും)

-സരളേച്ചീ…അറിഞ്ഞാ വിശേഷം?

-എന്താടീ..

-ദേശീയ കരിക്കുലം കമ്മറ്റിയുടെ ചെയര്‍മാന്‍ പ്രൊഫ.യശ്പാല്‍ പറഞ്ഞിരിക്കുന്നു-‘മതമില്ലാത്ത ജീവന്‍ നല്ല പാഠമാണ്‌.അതില്‍ മതനിന്ദയില്ല.അത്‌ എഴിതിയ ആളിനെ അഭിനന്ദിക്കണം.പാഠപുസ്തകം പിന്‍ വലിക്കേണ്ടതില്ല.’

-അതു കൊള്ളാമല്ലോ.ഇനി ഈ കാമ്പ്രസ്സുകാരും മതമൗലികന്മാരും എന്തു ചെയ്യും?

-അവരടങ്ങില്ല..യശ്പാലിനെ തേജോവധം ചെയ്യാനുള്ള തയ്യാറെടുപ്പിലാണത്രെ…

-കഷ്ടം…! ഇവന്മാര്‍ക്ക്‌ ചത്തൂടെ.. നാടെങ്കിലും രക്ഷപ്പെട്ടേനെ…

2
____________

-ചാനലുകളില്‍ മാത്രം ജീവിക്കുന്ന നേതാക്കന്മാര്‍ ആരൊക്കെയാണ്‌?

-ചേച്ചീ ഇന്നെന്തുപറ്റി…

-നീ ഉത്തരം പറ

-ചേച്ചി തന്നെ പറ..

-ഒരു ക്ലൂ തരാം…രണ്ട്‌ ശീമപ്പന്നികളാണ്‌..

-തെരിയൂല..

-അവയുടെ പേര്‌ ഇങ്ങനെയൊക്കെയാണ്‌-1.ടോം വടക്കന്‍.
2.എം.ഈീ.ഷാനവാസ്‌.

-ഓ..അവമ്മാരാ..രണ്ടും ശുദ്ധവേസ്റ്റുകളാ…

-ആ കക്ഷികള്‌ പറേണത്‌ വല്ലതും നെനക്ക്‌ തെരിയുമാ…

-അതില്ല…പറയുന്നവര്‍ക്ക്‌ നിശ്ചയമില്ലാത്തത്‌ കേള്‍ക്കുന്നവര്‍ക്ക്‌ നിശ്ചയം വരുമോ?

-ഈ പുംഗവന്മാരെ കോണ്‍ഗ്രസ്‌ അണികള്‍ കൈകാര്യം ചെയ്തെങ്കില്‍….

3
______________

-ചേച്ചീ ഒരു ചോദ്യം എന്റെ വക ദാ പിടിച്ചോ…

-ങ്ങാ.. പോരട്ടെ….

-കേരളം കണ്ട ഏറ്റവും വൃത്തികെട്ട…വിവരം കെട്ട വിദ്യാഭ്യാസ മന്ത്രി ആര്‌?

-അതിന്‌ രണ്ട്‌ പക്ഷമില്ല..മറ്റ അവന്‍ തന്നെ.പേര്‌ പറഞ്ഞാ നാവ്‌ നാറും.

-ഉത്തരം ശരി.നിനക്ക്‌ 10 പായന്റ്‌.ലവന്റെ അവസാനത്തെ പരാക്രമം കണ്ടാ ടീവീല്‌…

-കണ്ട്‌..കണ്ട്‌…എഴുത്തും വായനയും അറിഞ്ഞുകൂടാത്ത കൊറേ ചെറുക്കന്മാരെ കൊണ്ടുവന്ന് അറബി പുസ്തകം കത്തിക്കണതല്ലേ…

-അത്‌ തന്നെ..ഏഴാം ക്ലാസ്സിലെ സാമൂഹ്യപാഠം എന്നാണ്‌ വിചാരിച്ചതത്രെ.നിരക്ഷരര്‍ക്ക്‌ പറ്റണപറ്റേ…

-ആ വിദ്വാനെ നാടുകടത്താന്‍ നാട്ടില്‍ നിയമമൊന്നുമില്ലേ…

-അറബ്‌ നാട്ടിലെപ്പോലെ തൂക്കിലേറ്റണം എന്നാണ്‌ എന്റെ പക്ഷം…

________________________________________________

വാല്യം-8
13/07/2008 ന്

________________________________________________________________________________________