+1 കുട്ടികളെ ദ്രോഹിക്കുന്ന പാതിരിമാരെ എങ്ങനെ കൈകാര്യം ചെയ്യാം…കേരളത്തിലെ ക്രിസ്ത്യാനികള്‍ ചിന്തിച്ചു തുടങ്ങി…

+1 ന്‌ ഏകജാലക സംവിധാനം നടപ്പിലാക്കാന്‍ കേരള ഹൈക്കോടതി അനുവാദം നല്‍കിയിരിക്കുകയാണ്‌.

സ്കൂള്‍ തുറക്കുമ്പോള്‍ തന്നെ +1 ന്‌ ക്ലാസ്സ്‌ തുടങ്ങാന്‍ കഴിയുന്ന വിധത്തില്‍ നടപടിക്രമങ്ങളുമായി മുന്നോട്ടുപോയ സര്‍ക്കാരിനെതിരെ മുടന്തന്‍ ന്യായങ്ങള്‍ പറഞ്ഞ്‌ ചില ‘ളോഹ’ക്കാര്‍ കോടതിയില്‍ പോയി!

ന്യൂനപക്ഷ വിരുദ്ധമെന്നൊക്കെയാണ്‌ വിളിച്ചുകൂവിയത്‌.

അങ്ങനെയല്ലയെന്ന് അവര്‍ക്കുതന്നെ അറിയമായിരുന്നു.

പിന്നെന്തിന്‌?

അക്കാര്യത്തില്‍ ദുരൂഹതയുണ്ട്‌!

മുസ്ലിം സമൂഹത്തിന്‌ ആശങ്കയില്ല,ഈഴവര്‍ക്ക്‌ ആശങ്കയില്ല,കേരളത്തിലെ 98% ജനങ്ങള്‍ക്കും ആശങ്കയില്ല.

കാരണം ഏറെ ജനോപകാരപ്രദമാണ്‌ ഏകജാലക സംവിധാനം.

ആരാ എതിര്‍ത്തത്‌?

ഒരു പിടി പാതിരിമാര്‍..

ആരോട്‌ ആലോചിച്ചിട്ട്‌?

സ്വന്തം നിലയ്ക്ക്‌!

അവരുടെ ഈ തീരുമാനം ക്രിസ്ത്യന്‍ സമൂഹം അംഗീകരിക്കുന്നില്ല.വേണമെങ്കില്‍ സര്‍വ്വെ നടത്തിനോക്കൂ..

രഹസ്യ അജണ്ടകള്‍ വച്ച്‌ പ്രവര്‍ത്തിക്കുന്ന ഈ ‘സമുദായ വിരുദ്ധരെ ‘ കുഞ്ഞാടുകള്‍ തന്നെ കൈകാര്യം ചെയ്യണം!

ഇന്ന് വീണ്ടും പ്രഖ്യാപനം–

ഹൈക്കോടതി വിധിക്കെതിരെ ഇന്റര്‍ ചര്‍ച്ച്‌ കൗണ്‍സില്‍ അപ്പീല്‍ പോകുമത്രെ!

സര്‍ക്കാര്‍ ,എയിഡഡ്‌ സ്കൂളുകളില്‍ +1 പ്രവേശനം ഉടനെ നടക്കില്ലന്ന് പ്രചരിപ്പിച്ച്‌ അണ്‍ എയിഡഡില്‍ പ്രവേശനം തകൃതിയായി നടക്കുന്നു.ചില എയിഡഡിലും മാനേജുമന്റ്‌ ക്വാട്ട എന്നൊക്കെ പറഞ്ഞ്‌ താല്‍ക്കാകിക അഡ്മിഷന്‍ നല്‍കി തുടങ്ങി.പാവപ്പെട്ടവന്റെ മക്കള്‍ പഠിക്കുന്ന സര്‍ക്കാര്‍ സ്കൂളില്‍ അച്ചന്മാര്‍ പാരയും വച്ചു..!(പാറശ്ശാല ഒരു സ്കൂളില്‍ ക്ലാസ്‌ തുടങ്ങിയെന്നാണ്‌ അറിയാന്‍ കഴിഞ്ഞത്‌!)

+1 പ്രവേശനം അനന്തമായി നീട്ടിക്കൊണ്ടുപോയി ,സര്‍ക്കാരിനെ അട്ടിമറിക്കാന്‍ കഴിയുമോയെന്നാണ്‌ ഈ ‘വിശുദ്ധന്മാര്‍’ നോക്കുന്നത്‌!

കഷ്ടം………..!!!!!!

കാലം മാറിയത്‌ ഇവര്‍ അറിയുന്നില്ല.

കേരളീയരുടെ ക്ഷമയ്ക്കും ഒരതിരുണ്ടെന്ന് ഇവരറിയണം.

നല്ലവരായ ക്രിസ്ത്യന്‍ സമൂഹം ഉറക്കെ ശബ്ദിക്കണം;ഇവര്‍ക്കെതിരെ!

‘കോടതി മാനിയ’ പിടിപെട്ട ഇവരെ കേരളത്തിന്‌ ആവശ്യമുണ്ടോ?

വ്യവഹാരം നടത്തി മുടിഞ്ഞുപോയ തറവാടുകളുള്ള നാടാണിത്‌.പാവം വിശ്വാസിയുടെ പണമെടുത്ത്‌ ധൂര്‍ത്തടിക്കാന്‍ ഇവര്‍ക്കെന്തവകാശം???

Advertisements

സ്വാമി അരൂപാനന്ദയുടെ സങ്കടങ്ങള്‍ അഥവാ വെളിപാടുകള്‍

മാതാ അമൃതാനന്ദമയീ മഠം വൈസ്‌ ചെയര്‍മാന്‍ സ്വാമി അമൃതസ്വരൂപാനന്ദ വികാരവിവശനായി ആത്മഗതങ്ങള്‍ കോറിയിട്ടത്‌ കാണണമെങ്കില്‍ 28/5/2008 ലെ മാതൃഭൂമി പത്രത്തിന്റെ നാലാം പേജ്‌ കാണുക.

സന്തോഷ്‌ മാധവനും ഭദ്രാനന്ദനും മറ്റും കള്ളന്മാര്‍,ഞങ്ങള്‍ കുറെപ്പേര്‍ യോഗ്യന്മാര്‍ എന്ന് മാലോകരെ അറിയിക്കുകയാണ്‌ ഇപ്പോഴത്തെ പ്രത്യക്ഷപ്പെടലിന്റെ ഉദ്ദേശ്യം!

“കണ്ണുണ്ടായാല്‍ പോരാ,കാണണം”-എന്നാണ്‌ സ്വാമി സന്ദേശത്തിന്റെ പേര്‌.

എന്താ കാണേണ്ടത്‌?

ഞങ്ങള്‍ ചെയ്യുന്ന ജീവകാരുണ്യ പ്രവര്‍ത്തനങ്ങള്‍ കാണുന്നില്ലേ?

അമ്മ ലോകമെമ്പാടും നടത്തുന്ന പ്രവര്‍ത്തനങ്ങള്‍ കാണുന്നില്ലേ?

എല്ലാം കാണുന്നുണ്ട്‌,കേള്‍ക്കുന്നുമുണ്ട്‌!

നല്ല കാര്യങ്ങള്‍…

തങ്ങളെ ന്യായീകരിക്കാന്‍ ആള്‍ ദൈവങ്ങളെ ഒരിക്കലും അംഗീകരിക്കാത്ത ശ്രീശങ്കരനേയും ചട്ടമ്പി സ്വാമികളെയും ശ്രീനാരായണഗുരുവിനെയും കൂട്ടുപിടിക്കേണ്ടിയിരുന്നില്ല!!

കേരളത്തിന്റെ നവോത്ഥാന കാലഘട്ടത്തെക്കുറിച്ചോ ജനകീയ മുന്നേറ്റങ്ങളെക്കുറിച്ചോ സ്വാമിക്ക്‌ ഒന്നും അറിയില്ല.

കേരള ചരിത്രം സ്വാമി രേഖപ്പെടുത്തുന്നു-

‘നമ്മുടെ കൊച്ചുകേരളത്തിനെ അന്യസംസ്ഥാനങ്ങളും വിദേശ രാജ്യങ്ങളും ആദരപൂര്‍വ്വം സ്മരിക്കുന്നെങ്കില്‍, അതിവിടെ ശ്രീശങ്കരനും ചട്ടമ്പിസ്വാമികളും ശ്രീനാരായണഗുരുവും ഉണ്ടായതുകൊണ്ടാണ്‌.ഇന്നു മലയാള നാടിനെ നന്ദിപൂര്‍വ്വം ഓര്‍ക്കുന്നെങ്കില്‍ അത്‌ ജാതിമതങ്ങളുടെ അതിര്‍വരമ്പുകള്‍ക്കതീതമായി ,ശുദ്ധമായ മനുഷ്യസ്നേഹത്തിന്റെ പ്രതീകമായി അമ്മ നിലകൊള്ളുന്നതുകൊണ്ടാണ്‌.ഐക്യരാഷ്ട്രസഭയുടെ അകത്തളം വരെ മലയാള ഭാഷയെ അമ്മ എത്തിച്ചില്ലേ?’

എങ്ങനെയിരിക്കുന്നു ചരിത്രം?

സാമൂഹ്യ പ്രസ്ഥാനങ്ങളുടേയും രാഷ്ട്രീയ പ്രസ്ഥാനങ്ങളുടെയും സംഭാവനയോ?
ഹേയ്‌ അതെന്തോന്നു സാധനമാാാ……..

ചരിത്രത്തെ ആത്മീയതകൊണ്ട്‌ ഹൈജാക്ക്‌ ചെയ്യുന്നത്‌ ഇങ്ങനെയാണ്‌!

അമ്മയില്ലായിരുന്നുവെങ്കില്‍ കേരളം നിലനില്‍ക്കുമായിരുന്നോ?

പരമശിവനും മഹാവിഷ്ണുവും ശ്രീകൃഷ്ണനും അയ്യപ്പനും ദുര്‍ഗ്ഗയും മറ്റും മറ്റും അമ്മയോളം വരുമോ?
അതാണ്‌ സ്വാമിയുടെ ചോദ്യത്തിന്റെ പൊരുള്‍..

മേല്‍പ്പറഞ്ഞ ദൈവങ്ങള്‍ ആശുപത്രി നടത്തിയിട്ടുണ്ടോ?
സ്വാശ്രയ കോളേജുകള്‍ നടത്തിയിട്ടുണ്ടോ?

ഇല്ലേയില്ല…..

സ്വാമി തുടരുന്നു–

‘ഇവരുടെ ശ്രദ്ധയും ആത്മാര്‍ത്ഥതയുമൊക്കെ ഉരുള്‍പൊട്ടലും ഭൂകമ്പവും സുനാമിയും വെള്ളപ്പൊക്കവും താണ്ഡവമാടിയപ്പോള്‍ എവിടെയായിരുന്നു?
അന്ന് ചങ്കുപൊട്ടികരഞ്ഞവരുടെ ‘—

സ്വാമിയുടെ സെന്റിമെന്‍സിന്‌ നമോവാകം!

ദുരന്തങ്ങളും ദുരിതങ്ങളും ഉണ്ടായപ്പോള്‍ എല്ലാം മറന്ന് എല്ലാവരും രംഗത്തുണ്ടായിരുന്നു.ആരാണ്‌ മാറിനിന്നത്‌?ആടിനെ പട്ടിയാക്കരുത്‌ സാമി….

അമ്മ നല്‍കിയ വന്‍ സാമ്പത്തിക സഹായമായിരിക്കും സ്വാമിയുടെ മനസ്സില്‍-

തുക നല്‍കിയത്‌ നല്ല കാര്യം.

പക്ഷെ അത്‌ എവിടെ നിന്ന് ലഭിച്ചു എന്നതിന്‌ ഇന്നും ഉത്തരമില്ല.

ദാനം തരുന്നവന്റെ കൈയും മനസ്സും ശുദ്ധമായിരിക്കണമെന്നുള്ളത്‌ പഴയൊരു പ്രമാണമാണ്‌.

കോടികള്‍ വെറുതെ വന്നു വീഴുന്ന എന്തു ബിസിനസാണ്‌ അമൃതാനന്ദമയീ മഠം നടത്തുന്നത്‌?

‘വരവു ചെലവു കണക്കുകള്‍ ഗവണ്മെന്റിനെ അറിയിക്കുന്നു എന്ന് സ്വാമി-
ഇല്ലെന്ന് സര്‍ക്കാര്‍!

സാധാരണക്കാരന്‍ സംശയാലുവാകുന്നത്‌ ഇവിടെയാണ്‌.

എല്ലാം കാണുകയും കേള്‍ക്കുകയും ചെയ്യുന്ന ആള്‍ദൈവങ്ങള്‍ ജനക്ഷേമത്തിന്‌ ഇവ കൂടിചെയ്യണം.

1.പ്രകൃതി ദുരന്തങ്ങളെ തടയണം.ചുരുങ്ങിയ പക്ഷം ഒരു മാസത്തിന്‌ മുന്‍പ്‌ വിവരം നല്‍കണം.

2.ആശുപത്രികള്‍ എന്തിന്‌?മന്ത്രം പറഞ്ഞ്‌ രോഗം മാറ്റണം
3.ഇന്ത്യയെ വികസിത രാജ്യമാക്കണം

കഴിയുമോ?

സാധാരണക്കാരന്റെ ചോദ്യമിതാണ്‌.

ശുഭം.

ഉരകല്ല് -വിദൂഷകന്റെ ബ്ലോഗ്‌ നിരൂപണം.കഴിഞ്ഞ ദിവസങ്ങളില്‍ വിവിധ ബ്ലോഗുകളില്‍ വന്ന ചില പോസ്റ്റുകള്‍ വിചാരണ ചെയ്യപ്പെടുകയാണിവിടെ..

       

   വിമര്‍ശനങ്ങള്‍ സോദ്ദേശ്യപരമാണ്‌.—വാല്യം-1

===============================

മൂര്‍ത്തിയുടെ പോസ്റ്റ്‌-വിദേശ പണം ലഭിക്കുന്ന സംഘടനകള്‍..
———————————————————–

ആത്മീയ സംഘടനകള്‍ക്ക്‌ ലഭിക്കുന്ന വിദേശ ഫണ്ടിനെക്കുറിച്ചുള്ള വിശദ വിവരങ്ങള്‍ ഈ ബ്ലോഗില്‍ നിന്ന് വായിക്കാം.

 

ആത്മീയ വ്യവസായത്തിന്‌ ഇന്ത്യയിലേക്ക്‌ ഏറ്റവും കൂടുതല്‍ പണം അയയ്ക്കുന്നത്‌ അമേരിക്കയാണ്‌.തങ്ങള്‍ക്ക്‌ നേട്ടമില്ലാത്ത ഒരു കാര്യത്തിനും അമേരിക്ക ഇന്നുവരെ ഡോളര്‍ ചെലവാക്കിയിട്ടില്ല എന്നത്‌ ചരിത്രം!

ഈ പണം കൊണ്ട്‌ എന്തൊക്കെ പ്രവര്‍ത്തനങ്ങളാണ്‌ നടത്തുന്നത്‌?
ആര്‍ക്കും അതിന്‌ ഉത്തരമില്ല.

 

1984 ല്‍ സന്നദ്ധ സംഘടനകളെക്കുറിചും ഫണ്ടിംഗിനെക്കുറിച്ചും ശ്രീ.പ്രകാശ്‌ കാരാട്ട്‌ എഴുതിയ പഠനവും ഇവിടെ നിന്നും വായിക്കാം.

വളരെ വിശദമായി കാര്യങ്ങള്‍ അവതരിപ്പിക്കുന്നത്‌ മൂര്‍ത്തിയുടെ ശീലമാണ്‌.

   

 www.moorthyblog.blogspot.com

******************************************************************

+2 മാര്‍ക്കിനും എണ്ട്ര്ന്‍സിനും തുല്യ പരിഗണന
——————————————-

എന്‍ട്രന്‍സ്  പരിഷ്കരണ കമ്മറ്റിയുടെ ഈ തീരുമാനം ഏറ്റവും സ്വാഗതാര്‍ഹമാണ്‌.

-ചോദ്യങ്ങള്‍ മലയാളത്തിലും ഉണ്ടാകും.

-ഓരോ വര്‍ഷവും പുതിക്കിക്കൊണ്ടിരിക്കുന്ന ക്വസ്റ്റ്യന്‍ ബാങ്കില്‍ നിന്നുള്ള ചോദ്യങ്ങളാകും ഉപയോഗിക്കുക

-വിവിധ സിലബസുകളിലെ മാര്‍ക്ക്‌ ഏകീകരിക്കും

 

പൊതുവിദ്യാലയങ്ങളില്‍ പഠിക്കുന്ന കുട്ടികള്‍ക്ക്‌ ഗുണകരമാണ്‌ ഈ നിര്‍ദ്ദേശം.            

                     

(ഈ വര്‍ഷത്തെ മെഡിക്കല്‍ എണ്ട്രന്‍സിലെ ആദ്യത്തെ 1000 റാങ്കുകാരില്‍ സി.ബി.എസ്‌.ഇ. സി ക്കാരോപ്പം കേരള സിലബസുകാരുമുണ്ട്‌!)
******************************************************************

ഒരു അറുബോറന്‍ പൈങ്കിളി….
—————————–

സേതുലക്ഷ്മിയുടെ ‘അവളെ ഞാന്‍ മറക്കാന്‍ ശ്രമിക്കുകയാണ്‌‘ എന്ന കഥ വായിക്കൂ-നിങ്ങള്‍ക്ക്‌ കഥകളോട്‌ വൈരാഗ്യം തോന്നും!

കാക്കത്തൊള്ളായിരം പ്രാവിശ്യം ആവിഷ്കരിക്കപ്പെട്ട പ്രമേയം യാതൊരു പുതുമയുമില്ലാതെ വീണ്ടും..

നായികയും നായകനും കോളേജില്‍ വച്ച്‌ അവിചാരിതമായി കണ്ടുമുട്ടുന്നു.ദരിദ്രനായ നായകനെ അവള്‍ സഹായിക്കുന്നു…പിന്നെ അനിവാര്യമായ പ്രണയം…

ഒടുവില്‍ നായികയുടെയും കുടുംബത്തിന്റേയും ആത്മഹത്യ….ശുഭം!

 

സേതുലക്ഷ്മി കൂടുതല്‍ നല്ല കഥകള്‍ വായിക്കാന്‍ ശ്രമിക്കേണ്ടീരിക്കുന്നു -എന്ന് വിദൂഷകന്‍.
     www.sethulakshmi.wordpress.com

********************************************************************

അപ്രതീക്ഷിതമായി ഒരു നല്ല കഥ വായിക്കാന്‍ കഴിഞ്ഞ സന്തോഷത്തിലാണ്‌ ഞാന്‍.കഥയുടെ  പേര് “ടിഫിന്‍ കാരിയര്‍.“

ടിഫിന്‍ കാരിയര്‍
———————–

പുതുമയാര്‍ന്ന പ്രമേയവും അവതരണവും ഈ കഥയെ മികച്ചതാക്കുന്നു.

വിവിധ രംഗങ്ങളില്‍ മികവ്‌ തെളിയിച്ചിട്ടുള്ള കുറെപ്പേര്‍ ഒരാഴ്ചത്തെ വാസത്തിന്‌ ഒരു വെളുത്ത വീട്ടില്‍ എത്തിച്ചേരുന്നു.കുശലാന്വേഷണത്തിനും കുളിയ്ക്കും ശേഷം അവര്‍ തങ്ങള്‍ക്കുള്ള ടിഫിന്‍ കാരിയറുമെടുത്ത്‌ അനുവദിച്ചിട്ടുള്ള മുറികളിലേക്ക്‌ പോയി.

പത്തുതട്ടുള്ള ടിഫിന്‍ കാരിയര്‍-ഒടുവിലത്തെ തട്ടില്‍ ഒരു കൈത്തോക്കും കുറിപ്പും!അതിഥികളില്‍ ആരോ ഒരാള്‍ തോക്ക്‌ ആവിശ്യപ്പെട്ടിരുന്നു -എന്നായിരുന്നു ആതിഥേയന്റെ ആ കുറുപ്പില്‍.

അതോടുകൂടി അവരുടെ മന:സമാധാനം തകരുന്നു.ഭയത്തിന്റെ കാര്‍മേഘം അവരെ പൊതിഞ്ഞു.

മനുഷ്യപ്രകൃതത്തെയും ഭയം എന്ന വികാരത്തെയും നന്നായി അപഗ്രഥിക്കുന്നു ഈ കഥ.
ആധുനിക ഇന്ത്യന്‍ അവസ്ഥയൊക്കെ ഇതില്‍ നിന്ന് വായിച്ചെടുക്കാവുന്നതാണ്‌.ഒന്നിലേറെ മാനങ്ങളുണ്ട്‌ ഈ കഥയ്ക്ക്‌.

എല്ലാ ബ്ലോഗര്‍മാരും ഈ കഥ വായിച്ചിരിക്കേണ്ടതാണ്‌.

    www.chinthukal.blogspot.com

***********************************************************

എം.ഇ.എസ്സിന്റെ നിലപാട്‌ പ്രശംസനീയം.
————————————

+1 പ്രവേശനത്തിന്‌ ഏകജാലക സംവിധാനം ഏര്‍പ്പെടുത്തുന്നത്‌ ന്യൂനപക്ഷ മാനേജുമെന്റുകളുടെ അവകാശങ്ങളെ ബാധിക്കില്ലെന്ന് എം.ഇ.എസ്‌ ഹൈക്കോടതിയില്‍ ബോധിപ്പിച്ചു.വിദ്യാര്‍ത്ഥിപ്രവെശനത്തില്‍ സര്‍ക്കാര്‍ ഇടപെടില്ലെന്നും മെരിറ്റ്‌ സീറ്റ്‌ പ്രവേശനത്തിനുള്ള പട്ടിക മാത്രമാണ്‌ സര്‍ക്കാര്‍ തയ്യാറാക്കുന്നതെന്നും എം.ഇ.എസ്‌ വിശദീകരിച്ചു.ഇത്‌ പ്രവേശനനടപടി സുതാര്യമാക്കുകയേയുള്ളു.
(കടപ്പാട്‌.ദേശാഭിമാനി,24/05/2008) 

 

 

*******അവരും കൂടെയില്ല.ഡീക്കന്‍ സായ്പും സ്വന്തം ചാവേര്‍ ജോര്‍ജുകുട്ടിയും മറ്റും ഇനി എന്തു ചെയ്യും?
****************************************************************

ഇട്ടിയും കോലും(കണ്ണൂരാന്‍)
—————————

തിരുവനന്തപുരത്ത്‌ ‘കുട്ടിയും കോലും’ എന്നറിയപ്പെടുന്ന നാടന്‍ കളിയെക്കുറിച്ചാണ്‌ കണ്ണൂരാന്റെ ഇത്തവണത്തെ പോസ്റ്റ്‌.

പഴയകാലത്തിലേക്കുള്ള ഒരു തിരിച്ചുപോക്ക്‌ ഈ പോസ്റ്റ്‌ സാധ്യമാക്കുന്നു.ക്രിക്കറ്റും മറ്റും അരങ്ങു തകര്‍ക്കുന്ന ഇക്കാലത്ത്‌ പഴയ കളികളെക്കുറിച്ച്‌ ആരോര്‍ക്കാന്‍?

ഇത്തരം വിനോദങ്ങളെക്കുറിച്ച്‌ പുതിയ തലമുറയ്ക്കറിയില്ല.അറിയാവുന്ന രക്ഷകര്‍ത്താക്കള്‍ പറഞ്ഞുകൊടുക്കുകയുമില്ല;പഴയതിനൊന്നും സ്റ്റാറ്റസില്ലത്രെ!

നമ്മുടെ സംസ്കാരവുമായി ബന്ധപ്പെട്ടതാണിത്‌.മറ്റ്‌ എന്തുമാകുന്നതിന്‌ മുന്‍പ്‌ മലയാളിയാകണം…കേരളീയനാകണം!

 

കളിയുടെ ഫോട്ടോയും ഉള്‍പ്പെടുത്തിയിട്ടുണ്ട്‌.കണ്ണൂരാന്‌ നന്ദി.

   www.kannuran.blogspot.com

************************************************************* 

ഭക്ഷ്യക്ഷാമം നേരിടുന്ന സന്ദര്‍ഭമാണല്ലോ?

മലയാളികള്‍ പണ്ടെന്നോ തള്ളിക്കളഞ്ഞ മരിച്ചീനി,ചക്ക മുതലായവ വീണ്ടും ചര്‍ച്ചയാകുന്നു.

ചക്ക-‘നല്ലത് നായ്ക്കും വേണ്ട’
————————-

ചക്കയെക്കുറിച്ചുള്ള പോസ്റ്റുമായി കേരള ഫാര്‍മര്‍ എത്തിയിട്ടുണ്ട്‌.

ചക്കയില്‍ ധാരാളം വൈറ്റമിനുകളുണ്ട്‌.അത്‌ പലര്‍ക്കും അറിയില്ല എന്നതാണ്‌ സത്യം.

ദിവസങ്ങളോളം ചക്കചുള കേടുകൂടാതെ സൂക്ഷിക്കാന്‍ കഴിയും.
ഇക്കാര്യങ്ങളൊക്കെ വളരെ വിശദമായി കേരള ഫാര്‍മര്‍ വിവരിച്ചിരിക്കുന്നു.

‘നാടു മറന്നാലും മൂട്‌ ‘-മറക്കാത്തവര്‍ തീര്‍ച്ചയായും വായിച്ചിരിക്കേണ്ട പോസ്റ്റാണിത്‌.

   www.agrinews.wordpress.com

 

ചക്ക കൊണ്ട്‌ ധാരാളം സ്വാദിഷ്ടമായ വിഭവങ്ങളുണ്ടാന്‍ കഴിയും.പാചകം ചെയ്യേണ്ട വിധം ലളിതമായി വവരിക്കുന്ന ഒരു പുസ്തകം വായിച്ചതോര്‍ക്കുന്നു.
ഗാന്ധി സെന്റര്‍ ഫോര്‍ റൂറല്‍ ഡെവലപ്പുമന്റ്‌,തിരുവനന്തപുരമാണ്‌ പുസ്തകത്തിന്റെ പ്രസാധകര്‍ എന്ന് തോന്നുന്നു.
********************************************************** 

മനോജിന്റെ വ്യഥകള്‍-സ്കൂള്‍ അധ്യാപകര്‍ക്ക്‌ യോഗ്യതാപരീക്ഷ ആവശ്യമോ?
—————————————————————–

ദീപിക പത്രം എഴുതിയ മുഖപ്രസംഗമാണ്‌ മനോജിന്‌ ഇപ്പോള്‍ വ്യഥ ഉണ്ടാക്കിയിരിക്കുന്നത്‌.

 

വിദ്യാഭ്യാസ രംഗത്തെ കോഴയെക്കുറിച്ച്‌ അദ്ദേഹം വിശദീകരിക്കുന്നു.
ന്യൂനപക്ഷത്തിന്റെ പേരും പറഞ്ഞ്‌ സര്‍ക്കാരിനെ കണ്ണുരുട്ടി പേടിപ്പിക്കുന്നവരെ നിലയ്ക്ക്‌ നിര്‍ത്തേണ്ടതാണ്‌.

നല്ല പോസ്റ്റ്‌ ആണ്‌.വായിച്ചു കഴിയുമ്പോള്‍ മനോജിന്റെ വ്യഥ നമ്മുടേതുമായിത്തീരുന്നു.

    

     www.vyathakal.blogspot.com

************************************************* 

 മഴ (സ്വപ്നലോകം)

——————–

 

അനുവിന്റെ ‘മഴ’ -നമ്മെ സ്പര്‍ശിക്കുന്നേയില്ല.

സ്കൂളുകളില്‍ നടത്തുന്ന കവിതാരചന മത്സരത്തിലെ കവിത ഉയിര്‍ത്തെഴുന്നേറ്റ അനുഭവം…

‘ഇടിയും മിന്നലുമ്മെന്നില്‍ ഭീതി നിറച്ചു’-എന്നാണ് ആദ്യ വരി.

                                  ———

കവിത വായിച്ചു തീരുമ്പോഴും ആ ഭീതി വിട്ടകലുകയില്ല!

 

കവിത എഴുതണമെന്ന മോഹം മാത്രം പോര എന്ന് വിദൂഷകന്‍.

     www.aathmanombarangal.blogspot.com

************************************************************* 

 

ഭൂമി-നജി

———

 

മാത്സര്യത്തിന്റെയും അഹന്തയുടെയും അന്ത്യമിങ്ങനെ-

   “കിളച്ചു കിളച്ചൊടുവില്‍

     ഒരു കണ്ണീര്‍ തടം

   മാത്രം കാണുന്നു.”

 

തിരക്കുപിടിച്ച് എങ്ങോട്ടോ പായുകയാണ് നാം.നേട്ടങ്ങള്‍ തേടിയാണ് ഓടുന്നത്.

    “ നിധി തേടിയായിരുന്നുവല്ലോ

     താഴ്ചയിലേക്ക്

    ഞങ്ങള്‍ കുഴിച്ചിറങ്ങിയത്.”

ജന്മം മുഴുവനുള്ള കര്‍മ്മമായിരുന്നു അത്.പലരും തളര്‍ന്നു മറഞ്ഞു.

ഒടുവില്‍ ആഴങ്ങളിലെത്തിയവര്‍ക്ക് ലഭിച്ചതോ-‘ഒരു കണ്ണീര്‍ തടം”

നല്ല വായനാനുഭവം പ്രദാനം ചെയ്യുന്ന കവിത.നന്ദി നജി.

 

   www.nattuvazhiyil.blogspot.com

*****************************************************

അറിയിപ്പ്-അടുത്ത ഞായറാഴ്ച കൂടുതല്‍ നിരൂപണങ്ങളുമായി എത്തും.

               പ്രതികരണങ്ങള്‍ അറിയിക്കാന്‍ മറക്കില്ലല്ലോ…

              എന്റെ മറ്റ് ബ്ലോഗുകള്‍-

                                         www.urakallu.wordpress.com

  

                                        www.vidushakan1.blogspot.com

*****************************************************************

 

വിദ്യാഭ്യാസ കച്ചവടക്കാര്‍ മുറ്റത്ത്‌-ചാട്ടവാറുമായി ക്രിസ്തുവെത്തുമോ?

+1 പ്രവേശനം ഏകജാലാകം വഴി നടത്താനുള്ള സര്‍ക്കാര്‍ തീരുമാനത്തെ ചോദ്യം ചെയ്തുകൊണ്ട്‌ ഏതാനും പേര്‍ ഹൈക്കോടതിയില്‍ എത്തിയിടുണ്ട്‌.

 

കഴിഞ്ഞ വര്‍ഷം ഈ രീതിയിലാണ്‌ തിരുവനന്തപുരം ജില്ലയില്‍ +1 പ്രവേശനം പൂര്‍ത്തിയായത്‌.ഒരു പുതിയ സംവിധാനം വരുമ്പോള്‍ ഉണ്ടാകാവുന്ന ചെറിയ ചില ബുദ്ധിമുട്ടുകള്‍ ഉണ്ടായി എന്നത്‌ സത്യമാണ്‌.പക്ഷേ,പ്രവേശനം കൃത്യമായി സംവരണവും മെരിറ്റും അടിസ്ഥാനമാക്കിയായിരുന്നു.രക്ഷാകര്‍ത്തക്കളും കുട്ടികളും വളരെ ആവേശത്തോടെയാണ്‌ പുതിയ രീതിയെ സ്വീകരിച്ചത്‌.

അന്നും ചെറിയ ചില മുറുമുറുക്കലുകള്‍ ചിലയിടങ്ങളില്‍ നിന്ന് ഉയര്‍ന്നിരുന്നു.സര്‍ക്കാര്‍ അതത്ര കാര്യമാക്കിയില്ല.

ഈ വര്‍ഷം സംസ്ഥാനമൊട്ടുക്ക്‌ ഏകജാലകം വരുന്നു എന്നറിഞ്ഞപ്പോള്‍ ചിലര്‍ വെറളി പിടിച്ച്‌ പിച്ചും പേയും പറഞ്ഞു നടന്നു.ജനങ്ങള്‍ അതൊന്നും ശ്രദ്ധിച്ചില്ല.സമരാഹ്വാനവും പദയാത്രയും നടത്തി നോക്കി.രക്ഷയില്ല.

പശ്ചാത്തല സംഗീതവുമായി മാണിയും പണിക്കരും കുഞ്ഞാലിയും വന്നു!ജനം മിണ്ടിയില്ല.ഇളിഭ്യരായി സ്വന്തം മാളങ്ങളിലൊളിച്ചു.

ഒടുവില്‍ ചിലര്‍ കോടതില്‍ എത്തിയിരിക്കുകയാണ്‌.അവര്‍ ആരൊക്കെയാണ്‌?–

 

 1.ചങ്ങനാശ്ശേരി അതിരൂപത

  2.ഇടുക്കി രൂപത കോര്‍പ്പറേറ്റ്‌ എജ്യൂക്കേഷന്‍ ഏജന്‍സി ഡയറക്ടര്‍മാര്‍

  3.കോട്ടയം മൗണ്ട്‌ കാര്‍മല്‍ ഹൈസ്കൂള്‍ പി.ടി.എ പ്രസിഡന്റ്‌ ശ്രീ.സെബാസ്റ്റ്യന്‍ കുര്യന്‍

  4.+1 വിദ്യാര്‍ത്ഥി എബി.കെ.എബ്രഹാം

 കൊച്ചച്ചന്മാരും പിണിയാളന്മാരും കൂടെകൂട്ടിയിരിക്കുന്ന്ത്  പാലുകുടി മാറാത്ത ‘ +1 വിദ്യാര്‍ത്ഥിയേയാണ്!!!

മേല്‍ക്കോടതികളില്‍ കേസ്‌ നടത്താനുള്ള പണം പി.റ്റി.എ പ്രസിഡന്റിനും +1 വിദ്യാര്‍ത്ഥിക്കും എവിടെ നിന്നും ലഭിച്ചു?അവരുടെ കുടുംബ പശ്ചാത്തലവും മറ്റും വിശദമായി അന്വേഷിക്കാന്‍ കോടതി ഉത്തരവിടേണ്ടീരിക്കുന്നു!
(കഴിഞ്ഞവര്‍ഷം +2 പാഠപുസ്തകങ്ങല്‍ക്കെതിരെ ലക്ഷങ്ങള്‍ മുടക്കി മേല്‍ കോടതികളില്‍ പോയി സ്റ്റേ വാങ്ങിയത്‌ രണ്ട്‌ +2 വിദ്യാര്‍ത്ഥികളാണ്‌!നമ്മുടെ നാടിന്റെ ഒരു പുരോഗതിയേ !)

—————————-

കോടതി കയറിയത്‌ എന്തിന്‌?
——————————

കമ്മ്യൂണിറ്റി ക്വാട്ട,മാനേജുമന്റ്‌ ക്വാട്ട എന്നിവ ഒഴിവാക്കിയാണ്‌ ഏകജാലക പ്രവേശനം.പിന്നെയെന്തിന്‌ ഇവര്‍ ആശങ്കപ്പെടുന്നു?മറ്റ്‌ സീറ്റുകളിലെ കോഴ തന്നെ പ്രശനം! അതായത്‌ കാര്യം രൂപ ത തന്നെ!(രൂപ…..താ =രൂപത എന്ന് വിദ്യാഭ്യാസ മന്ത്രി.)

വിദ്യാഭ്യാസ കച്ചവടക്കാര്‍ക്ക്‌ കോടതികളെ നല്ല വിശ്വാസമാണ്‌.

തെരഞ്ഞെടുക്കപ്പെട്ട ഭരണകൂടത്തിന്റെ നയപരമായ തീരുമാനങ്ങളില്‍ കോടതികള്‍ ഇടപെടാതിരിക്കുന്നതാണ്‌ അഭികാമ്യം.
ചില ജഡ്ജിമാരെക്കുറിച്ച്‌ നല്ലതല്ല പറഞ്ഞുകേള്‍ക്കുന്നത്‌!

ന്യൂനപക്ഷ കമ്മീഷന്‍ എന്നു പറഞ്ഞ്‌ ചിലരൊക്കെ കറങ്ങി നടക്കുന്നതും വിദൂഷകന്‍ കാണുന്നു.അതില്‍ ‘തമ്പു വിദ്വാന്‍’ വ്യാജ ബിരുദധാരിയാണത്രെ!

ആകപ്പാടെപറഞ്ഞാല്‍ ജനനന്മ എങ്ങനെയെക്കെയോ അട്ടിമറിക്കപ്പെടുന്നു എന്ന് സാരം.അതില്‍ വിദൂഷകന്‍ നിര്‍വ്യാജം ഖേദിക്കുന്നു.

ഹലോ നിങ്ങള്‍ക്കൊന്നും പറയാനില്ലേ?  

ഉരകല്ല്(ബ്ലോഗ്‌ പോസ്റ്റുകള്‍ വിചാരണ ചെയ്യുന്നിടം)രണ്‍ജിത്ത് ചെമ്മാടിന്റെ കവിത -‘ചില നെടുവീര്‍പ്പുകള്‍’—പ്രണയത്തിന്റെ രതിപ്പുക നമ്മെ പൊതിയുന്ന നേരം.

പ്രണയകാലത്തെക്കുറിച്ചുള്ള ഓര്‍മ്മയാണിക്കവിത.
കാമം പ്രണയത്തിന്റെ ജീവവായുവാണ്‌ എന്ന് ആധുനികന്‍ മനസ്സിലാക്കുന്നു.അതൊരു ജൈവപ്രേരണയാണ്‌.
രതിയുടെ കാര്‍മേഘം വിങ്ങിനില്‍ക്കുന്ന അന്തരീക്ഷമാണ്‌ കവിതയുടേത്‌.അതിന്‌ പര്യാപ്തമായ വാക്കുകള്‍ കവി തെരഞ്ഞെടുത്തിരിക്കുന്നു.തന്റെ മനസ്സ്‌ പ്രകൃതിയില്‍ ആരോപിക്കുന്നു-

                                                 

 രാവിന്‍ ചുനപൊട്ടി

                                            

 രതിപ്പുക പൂത്ത്

                                            

  മാറില്‍ മദം ചോര്‍ന്ന

                                            

 മഞ്ഞച്ച രാത്രികളില്‍–                                                                             -വാട്ടക്കൂമ്പാളയില്‍ നിന്ന് പൂങ്കുലപോലെ നീ എന്നെ പറിച്ചെടുത്തു എന്ന് കവി ഓര്‍ക്കുന്നു!
 

നിലാവ്‌ വിരഹികള്‍ക്ക്‌ കനല്‍ പോലെയാണല്ലോ.ഇവിടെയും –

                                              

 നിലാവിന്‍ പൊള്ളലേല്‍ക്കുന്ന

                                       

 നിശാഗന്ധിക്കാവുകളില്‍-എന്ന് കവി പറയുന്നു.
     തന്റെ പഴയ പ്രണയകാലത്തിന്റെ സ്മരണ ഇങ്ങനെ അവസാനിപ്പിക്കുന്നു.-

                                      

  ഒടുവില്‍ ഒഴിഞ്ഞു വാങ്ങി,

                                      

 തേരേറ്റപ്പെട്ട് ,കളമെഴുതി,

                                      

 പൂവും നീരുമട്ട്,

                                      

 വഴികൂടുന്നിടത്ത് ഉപേക്ഷിക്കപ്പെട്ട

                                     

  ഒരു ബാധ,

                                    

  കുടിയിറക്കപ്പെട്ട ബാലദേഹമോര്‍ക്കുമ്പോലെ

                                     

 ഞാന്‍ നിന്നെയും,

                                   

  നീയെന്നയു-

                                 

    മോര്‍ത്ത് നെടുവീര്‍പ്പിടുന്നു.  

                                            

           പുതുമയുള്ള ബിംബകല്‌പനകള്‍കൊണ്ട്‌ സമ്പന്നമാണിക്കവിത.തന്റേതായ ഒരു കാവ്യഭാഷ ഈ കവിയ്ക്ക്‌ കൈമുതലായുണ്ട്‌.തീഷ്ണവും വൈകാരികവുമായ ഭാവങ്ങള്‍ വിനിമയം ചെയ്യുന്നതിന്‌ ആ ഭാഷയ്ക്ക്‌ കഴിയുന്നു.

മലയാള കവിതയില്‍ വേറിട്ടശബ്ദം കേള്‍പ്പിക്കുന്ന അയ്യപ്പന്‍,പവിത്രന്‍ തീക്കുനി എന്നിവരുടെ കവിതകള്‍ പലപ്പോഴും ഭാഷയുടെ ആടയാഭരണങ്ങള്‍ വലിച്ചെറിയുന്നു.കരിങ്കല്‍ച്ചീളുകള്‍ പോലെ വാക്കുകള്‍ നമുക്കുമേല്‍ വന്നുവീഴുന്ന പ്രതീതിയുണ്ടാകുന്നു.
അത്തരത്തിലൊരനുഭവം ‘ചില നെടുവീര്‍പ്പുകള്‍’ നമുക്ക്‌ നല്‍കുന്നുണ്ട്‌.

വിദൂഷകന്റെ അറിയിപ്പ്‌-എല്ലാ ബ്ലോഗര്‍മാരും ഈ കവിത വായിക്കണം.

          blog-മണല്‍ക്കിനാവ്      

     www.manalkinavu.blogspot.com

 

 

 

 

http://www.manalkinavu.blogspot.com

ഉരകല്ല് -ബ്ലോഗ് പോസ്റ്റുകള്‍ വിചാരണ ചെയ്യപ്പെടുന്നു..(1)ഫസലുദ്ദീന്റെ കവിത-‘ജന്മങ്ങള്‍’-ശുഭാപ്തിവിശ്വാസത്തിന്റെ കരുത്തില്‍

കവിത ദുര്‍ഗ്രഹമായിക്കൊണ്ടിരിക്കുന്ന ഇക്കാലത്ത് ഒരു തെളിനീ‍രുറവപോലെ ഫസലുദ്ദീന്റെ കവിത വരുന്നു.

 

എങ്ങും കൂരിരുട്ടിന്റെ കരിമ്പടമാണ്.അവിടേക്ക് ശുഭാപ്തിവിശ്വാസത്തിന്റെ ഒരു തുള്ളിവെളിച്ചം

 

കവിതയിലെ വിഷയം പുതുമയുള്ളതല്ല.നമ്മു പ്രമുഖരായ കവികള്‍ കൈകാര്യം ചെയ്തിട്ടുള്ള വിഷയമാണ്.

എന്നാലും ഇമേജുകള്‍ ചിലത് പുതുമയുള്ളതായി തോന്നി.

                                          ‘അന്നുമെന്‍ കിരണങ്ങളാല്‍

                                        ശിഖരങ്ങള്‍ക്കിടയിലൂടെ ഊര്‍ന്ന്

                                       നിന്റെ പാദങ്ങളെ ചുംബിച്ച്

                                      പുലരുവോളംനിന്റെ

                                     കരവലയത്തിലമര്‍ന്ന്  ‘ -ശയിക്കുമത്രെ!

ഇത്തിള്‍ക്കണ്ണിയിടെ വേരോട്ടത്തെക്കുറിച്ചും ചിതലിന്റെ പടവാളിനെക്കുറിച്ചുംകിളിപ്പൊത്തുകളിലെ മുറിവിനെക്കുറിച്ചും ഉള്ള കഥകള്‍ കേട്ടു് ഉറങ്ങു.

‘വാടിത്തളര്‍ന്നൊരു കരിയിലയായ’ ഞാന്‍ വീണ്ടും വരും.ചന്ദ്രക്കലയുടെ ആ പ്രസ്ഥാവന ആലോചനാമൃതമാണ്.

പൂര്‍ണ്ണ ചന്ദ്രനായിയുള്ള വരവ് പ്രകൃതി സത്യമാണല്ലോ.

ആര്‍ഷ ഭാരതത്തിന്റെ പുനര്‍ജന്മത്തിലധിഷ്ഠിതമായ വിശ്വാസത്തിന് ഈ കവിത ചാരുത പകരുന്നു.

 കവിതയോടൊപ്പം നല്‍കിയിരിക്കുന്ന ചിത്രം വളരെ അനുയോജ്യമായിട്ടുണ്ട്.

വിദൂഷകന്റെ അറിയിപ്പ്-എല്ലാ ബ്ലോഗര്‍മാരും ഫസലുദീന്റെ കവിത വായിക്കേണ്ടതാണ്.

blog-നോട്ടുബുക്ക്

www.fazaludhen.blogspot.com

എസ്‌.എസ്‌.എല്‍.സി/+2 റിസള്‍ട്ട്‌ ഊതിവീര്‍പ്പിച്ചത്‌ എന്ന് അധിക്ഷേപിക്കുന്നവരുടെ പോസ്റ്റുമോര്‍ട്ടം അഥവാ മനോവിശകലനം.

        2008 ലെ എസ്‌.എസ്‌.എല്‍.സി/+2 വിജയശതമാനം സര്‍വ്വകാല റെക്കോഡാണ്‌.92% ഉം 81% ഉം.
വിജയത്തെ അനുകൂലിച്ചും പ്രതികൂലിച്ചും ഏറെപ്പേര്‍ രംഗത്തെത്തിയിട്ടുണ്ട്‌.

എതിര്‍പ്പിന്റെ മുനകള്‍ ഇവയാണ്‌.
                 

1.സി.ഇ(നിരന്തര മൂല്യനിര്‍ണ്ണയം)യ്ക്ക്‌ മാര്‍ക്ക്‌ നല്‍കിയത്‌ അനര്‍ഹമായാണ്‌.
                 

 2.എഴുത്തുപരീക്ഷയ്ക്ക്‌ പ്രാധാന്യം കുറച്ചു.ചോദ്യങ്ങള്‍ ലളിതമാക്കി.
               

  3.രാഷ്ട്രീയ മുതലെടുപ്പിന്‌ ശ്രമിക്കുന്നു.

ഇവ വിശകലനത്തിന്‌ വിധേയമാക്കേണ്ടതാണ്‌.

 ——————————        

  അസ്പൃശ്യത
—————————-       ————-
               

  തൊട്ടുകൂടായ്മ നാം കേരളത്തില്‍ നിന്ന് ആട്ടിയോടിച്ചതാണ്‌.പക്ഷേ അത്‌ പുതിയ രൂപത്തില്‍ നിലനില്‍ക്കുകയാണ്‌;പ്രത്യേകിച്ച്‌ വിദ്യാഭ്യാസ രംഗത്ത്‌!
 

സി.ബി.എസ്‌.ഇ സ്കൂളില്‍ വിജയശതമാനം 95 ഉം 98 ഉം ആകാം!സ്റ്റേറ്റ്‌ സിലബസില്‍ 50ല്‍ കൂടാന്‍ പാടില്ലത്രെ!!

എന്താ കാരണം?

കാരണങ്ങളുണ്ട്‌.

 

നമ്മുടെ നാട്ടില്‍ 100% വിജയം വിരിയിക്കുന്ന അണ്‍-എയ്ഡഡ്‌ സ്കൂളുകള്‍ ധാരാളമുണ്ട്‌.100 വിരിയിക്കാന്‍ എന്ത്‌ ത്യാഗത്തിനും അവര്‍ തയ്യാറാകും!പഠനത്തില്‍ പിന്നാക്കം നില്‍ക്കുന്നവരെ പുറത്താക്കുന്നത്‌ അതില്‍ ഒന്നു മാത്രം..

 

ഗ്രേഡിംഗും പുതിയ പഠനരീതിയും വന്നതോടെ അവര്‍ക്ക്‌ നില്‍ക്കക്കള്ളിയില്ലാതായി.സര്‍ക്കാര്‍-എയ്ഡഡ്‌ സ്കിൂളുകള്‍ 80 ഉം 90ഉം ശതമാനം വിജയം കരസ്ഥമാക്കാന്‍ തുടങ്ങി.

അതെങ്ങനെ?

പ്രവര്‍ത്തനാധിഷ്ഠിത പഠനം കുട്ടികളുടെ പങ്കാളിത്തം ഉറപ്പാക്കി.അവര്‍ കൂട്ടായ്മയുടെ കരുത്തും പ്രാധാന്യവും തിരിച്ചറിഞ്ഞു.പഠനം രസകരമായിത്തീര്‍ന്നു.

 

അണ്‍-എയ്ഡഡില്‍ ഇപ്പോഴും ‘കാണാപ്പാഠം’ പഠിക്കല്‍ തന്നെ!!
സര്‍ക്കാര്‍-എയ്ഡഡ്‌ മേഖലയെക്കുറ്റം പറഞ്ഞാണ്‌ അവര്‍ വളര്‍ന്നത്‌.ഇനി അത്‌ സാധ്യമല്ല.
വെള്ളം കയറാത്ത അറകളിലിരുന്ന് പഠിക്കുന്നവര്‍ വിഷാദരോഗികളും സമൂഹത്തെക്കുറിച്ച്‌ അറിവില്ലാത്തവരും ആയിരിക്കും.(അവര്‍ ഈ സമൂഹത്തില്‍ ജീവിക്കേണ്ടവരല്ലേ?)

 

ദരിദ്രരും പിന്നാക്കകാരില്‍ വലിയൊരു വിഭാഗവുമാണ്‌ പൊതു വിദ്യാലയങ്ങളില്‍ എത്തിയിരുന്നത്‌.(ഇപ്പോള്‍ അതിന്‌ മാറ്റം വന്നിട്ടുണ്ട്‌)അവര്‍ വലിയ ഗ്രേഡുകള്‍ നേടുന്നതില്‍ ചിലരൊക്കെ അസ്വസ്ഥരാണ്‌.

അവര്‍ ആരൊക്കെയാണ്‌?

1.അണ്‍-എയ്ഡഡ്‌ ലോബികള്‍

2.വരേണ്യവര്‍ഗ്ഗ സ്കൂളുകളില്‍ കുട്ടികളെ പഠിപ്പിക്കുന്നവര്‍(ഇനി എങ്ങനെ മേനിനടിക്കും?)

3.പുതിയ രീതികളെക്കുറിച്ച്‌ അറിവില്ലാത്തവര്‍

4.പ്രതിപക്ഷക്കാര്‍(സംഘടനകള്‍)-(രാഷ്ട്രീയനേട്ടത്തിന്‌ വേണ്ടി..)

5.മാറ്റത്തെ അംഗീകരിക്കാത്ത,പഴയ തലമുറയിലെ വിദഗ്ദ്ധന്മാര്‍

—————————————-

വിജയം പെട്ടെന്ന് പൊട്ടിമുളച്ചതോ?
——————————
 

ഒരിക്കലുമല്ല.

കഴിഞ്ഞ രണ്ടുവര്‍ഷമായി വിദ്യാഭ്യാസ രംഗത്ത്‌ ധാരാളം ക്രിയാത്മകമായ പ്രവര്‍ത്തനങ്ങള്‍ നടന്നുവരുന്നു.

-തദ്ദേശ സ്വയംഭരണ സ്ഥാപനങ്ങളുടെ സഹായത്തോടെ സ്കൂളുകളുടെ പശ്ചാത്തല സൗകര്യങ്ങള്‍ വര്‍ദ്ധിച്ചു.

-പി.റ്റി.എ കള്‍ ശക്തിപ്പെടുത്തി.അവര്‍ സ്കൂളിന്റെ പ്രവര്‍ത്തനങ്ങളില്‍ കൂടുതല്‍ താല്‌പര്യം കാണിക്കുന്നു.

-അധ്യാപകര്‍ക്കിടയില്‍ ഒരു ഉണര്‍വ്‌ ദൃശ്യമായി.പൊതു വിദ്യാലയങ്ങള്‍ നിലനില്‍ക്കേണ്ടതിന്റെ ആവശ്യം അവര്‍ക്ക്‌ ബോധ്യപ്പെട്ടു.

-നിരന്തരമായി പരിശീലന പരിപാടികള്‍ സംഘടിക്കപ്പെട്ടു.

-ഉച്ചഭക്ഷണ പദ്ധതി സെക്കണ്ടറി തലത്തിലേക്ക്‌ വ്യാപിപ്പിച്ചു.

-വിജയശതമാനം കുറഞ്ഞ സ്കൂളുകളില്‍ പ്രത്യേക പദ്ധതികള്‍ നടപ്പിലാക്കി.

ഇത്തരത്തിലുള്ള പ്രവര്‍ത്തനങ്ങളുടെ ഫലമായാണ്‌ വിജയശതമാനം ഉയര്‍ന്നത്‌!!

—————————————-

സി.ഇ.യ്ക്ക്‌ മാര്‍ക്ക്‌ വാരിക്കോരി ദാനം ചെയ്തോ?
————————–
നിരന്തരമൂല്യനിര്‍ണ്ണയത്തെക്കുറിച്ച്‌ അറിവില്ലാത്തവരാണ്‌ ഇപ്രകാരം അഭിപ്രായപ്പെടുന്നത്‌.10ന്‌ 10,9,8 എന്നിങ്ങനെ നല്‍കിയെന്നാണ്‌ പരാതി.

അവ നല്‍കേണ്ടതല്ലേ?

ക്ലാസില്‍ നടക്കുന്ന പ്രവര്‍ത്തനങ്ങളിലെ പങ്കാളിത്തവും മറ്റും വിലയിരുത്തിയാണ്‌ സി.ഇ നല്‍കുന്നത്‌.അഭിലഷണീയമായ തലത്തില്‍ എത്താത്തവര്‍ക്ക്‌ വീണ്ടും വീണ്ടും അവസരം നല്‍കുന്നു.

 

അറിവ്‌ വിളമ്പുന്ന പ്രവര്‍ത്തനമല്ല, അറിവ്‌ നിര്‍മ്മിക്കുന്ന പ്രവര്‍ത്തനമാണ്‌ ക്ലാസ്‌ മുറികളില്‍ നടക്കുന്നത്‌.

സാധാരണക്കാര്‍ക്ക്‌ പെട്ടെന്ന് മനസ്സിലാകാത്ത രീതികളാണിവ.പാഠപുസ്തകത്തിലെ യൂണിറ്റുകളെ എങ്ങനെ സമീപിക്കണമെന്ന് അധ്യാപകര്‍ക്ക്‌ പരിശീലനം നല്‍കുന്നു.അതിന്‌ വളരെ പ്രാധാന്യമുണ്ട്‌.പരിശീലനം ലഭിച്ചിട്ടില്ലാത്തവര്‍ക്ക്‌ അവ വിനിമയം ചെയ്യാന്‍ സാധ്യമല്ല തന്നെ.

 

പരിശീലനം ലഭിക്കാത്ത അണ്‍-എയ്ഡഡുകാരും മറ്റും (ഇപ്പോള്‍ പരിശീലന പരിപാടികളില്‍ അവരെയും ഉള്‍പ്പെടുത്തുന്നുണ്ട്‌)കുരുടന്‍ ആനയെ കണ്ടതുപോലെയാണ്‌ പാഠങ്ങളെ സമീപിക്കുന്നത്‌.പാഠം വായിച്ച്‌ ചോദ്യോത്തരങ്ങള്‍ നല്‍കുന്ന രീതിയാണ്‌ അവരുടേത്‌!ഗ്രൂപ്പ്‌ ചര്‍ച്ചയും മറ്റും അച്ചടക്കത്തെ തകര്‍ക്കുമത്രെ!

ഒരു വര്‍ഷക്കാലം നടത്തിയ പഠനപ്രവര്‍ത്തനങ്ങളില്‍ പങ്കാളികളായ കുട്ടികല്‍ക്ക്‌ 10ന്‌ 8ഉം9ഉം,20ന്‌ 18ഉം19ഉം നല്‍കുന്നതില്‍ തെറ്റ്‌ കണ്ടുപിടിക്കുന്നവര്‍ കഥയറിയാതെ ആട്ടം കാണുന്നവരാണ്‌!

 

സി.ഇ.50% വരെയാക്കണമെന്നാണ്‌ ആധുനിക വിദ്യാഭ്യാസം ശാസ്ത്രം അനുശാസിക്കുന്നത്‌.

—————————-

പഴയ രീതി
—————

50ന്‌ 10ഉം ഗ്രൂപ്പ്‌ മിനിമവും ജയിക്കാന്‍ വേണ്ടിയിരുന്ന കാലത്തെ പുനരാനയിക്കാന്‍ ചിലര്‍ മുറവിളി കൂട്ടുന്നു.ഓര്‍മ്മശക്തിയെമാത്രം പരിപോഷിപ്പിക്കുന്ന അത്തരം രീതികള്‍ പഴഞ്ചനാണെന്ന് ഇനിയെങ്കിലും അറിയുക.

 

ബഹുമുഖമായ കഴിവുകള്‍ വികസിപ്പിക്കുന്ന തരത്തിലായിരിക്കണം പഠനം നടക്കേണ്ടത്‌.എന്ത്‌ അറിഞ്ഞുകൂടാ  എന്ന് പരിശോധിക്കലല്ല പരീക്ഷയുടെ ലക്ഷ്യം.

 

എഴുത്തു പരീക്ഷയുടെ പ്രാധാന്യം കുറയ്ക്കുക തന്നെ വേണം.പാശ്ചാത്യ്‌ രാജ്യങ്ങള്‍ ആ പാതയില്‍ മുന്നേറുന്നു.

 

 

ജഢമായ അറിവ്‌ കുത്തിനിറയ്ക്കലല്ല ,അറിവ്‌ നിര്‍മ്മിച്ച്‌ സമൂഹത്തിന്റെ ആവശ്യങ്ങള്‍ക്ക്‌ ഉപയോഗപ്പെടുത്തലാണ്‌ പഠനം എന്ന പ്രക്രിയയില്‍ നടക്കേണ്ടത്‌ എന്ന് വിദൂഷകന്‍..
—————————————————————————–

വിദൂഷകന്റെ നിയമപരമായ മുന്നറിയിപ്പ്‌:-ഇവിടെ വരുന്നവര്‍ പ്രതികരണം രേഖപ്പെടുത്തേണ്ടതാണ്‌!!!
Blog-vidushakan.wordpress.com