അബ്ദുള്ള’ക്കുട്ടി’ വയസ്സറിയിച്ചെന്ന് സരിത….മഹിളാമണികളേ ജാഗ്രതൈ…!

അങ്ങനെ ഒരു കുലംകുത്തിയുടെ  കാര്യം കൂടി തീരുമാനമായി…

അബ്ദുള്ളക്കുട്ടിയുടെ തനിനിറം പുറത്തായി…

abdulla kutty-1

സരിതയെ മസ്കറ്റ് ഹോട്ടലിലേക്ക് വിളിച്ചുവത്രെ,ഈ മാന്യൻ…രാജ്യത്തിന്റെ വികസനത്തെക്കുറിച്ച് ചർച്ച ചെയ്യാനാണെന്ന് വിളിച്ചതെന്ന് ആരെങ്കിലും പറയുമോ..?

അതിന് പറ്റിയ വനിതാരത്നമാണല്ലോ സരിത…!!

നിരന്തരം ഫോൺ വിളിക്കുമായിരുന്നത്രെ…കൂടെ ചൂടൻ മെസേജുകളും….

abdulla kutty

അബ്ദുള്ള ‘കുട്ടി’  വളർന്നിരിക്കുന്നു….

നല്ലതു തന്നെ…

കോൺഗ്രസ്സുകാരുടെ സഹവാസം കൊണ്ട് പലതും പഠിക്കാൻ കഴിഞ്ഞുവെന്ന് സമാധാനിക്കാം..

രാജ്മോഹൻ ഉണ്ണിത്താൻ,പീതാബരക്കുറുപ്പ്,പി.ജെ.കുര്യൻ മുതലായവർ കാരണവന്മാരായി കാവൽ നിൽക്കുന്നുവല്ലോ…ഇനിയും നിലാവുള്ള രാത്രിയിൽ…..!!

കഷ്ടം…!!

ബിന്ദുകൃഷ്ണയുടെ ആക്രോശങ്ങൾ….അഥവാ എന്തിനോ തിളയ്ക്കുന്ന സാമ്പാർ…

കോൺഗ്രസ്സിന്റെ പെൺകരുത്ത് ബിന്ദുകൃഷ്ണ സ്ത്രീ ശാക്തീകരണത്തിനിറങ്ങിരിക്കുകയാണല്ലോ…

നല്ല കാര്യം തന്നെ..

വിനാശകാലേ വിപരീത ബുദ്ധി എന്ന് വിരോധികൾ പറയുന്നത് അവഗണിക്കുക..

മൈക്ക് നിരോധിച്ചിടത്ത് മൈല്ലിൽ സംസാരിച്ചു…എതിർത്ത പോലീസ് ഉദ്യോഗസ്ഥനെ ഭീഷണിപ്പെടുത്തി…

തൊപ്പി തെറിപ്പിക്കും എന്നായിരുന്നു വിരട്ട്..

പാവം പോലീസുകാരൻ…അമർഷം ചവച്ചിറക്കി നിന്നു…കലികാലം ,സഹിക്കുക തന്നെ..

പിണറായിയുടെ മൈക്ക് ഓഫുചെയ്യാൻ ധൈര്യപ്പെടുമോടോ…എന്ന ചോദ്യം വീശിയെറിഞ്ഞു…അടുത്തുനിന്ന കുഞ്ഞമ്മമാർ ചിരിച്ചാർത്തുവത്രെ!

ആന ……….പോലെ    അണ്ണാൻ……എന്ന് ചില പോക്കിരികൾ …

Image

 

 

തന്നെ പിണറായിയോട് താരതമ്യം ചെയ്തത് അല്പം കടന്ന കയ്യായിപ്പോയി എന്ന് വിദൂഷകൻ…

പറഞ്ഞാപറഞ്ഞ പോലെ തന്നെ…ആഭ്യന്തരം ചെന്നിത്തലയാണല്ലോ..

പോലീസ് ഓഫീസറെ സ്ഥലം മാറ്റി.!

എന്തിന്..?

നിയമം നടപ്പിലാക്കാൻ ശ്രമിച്ചതിന്…!

എന്തു നല്ല ഭരണം…?!

 

അര്യാടന്റെ ആഫീസ് ജീവനക്കാരി കൊല്ലപ്പെട്ടതിൽ മാഡത്തിനു കുണ്ഠിതമുണ്ടോ..?

ഉണ്ടാവാൻ വഴിയില്ല…

 

പക്ഷെ ജനത്തിന് വിവരമുണ്ട്…(പോലീസുകാർക്കും..)

അവർ എട്ടിന്റെ പണിയും കൊടുത്തു…

ശൂന്യമായ സദസ്സിനെ നോക്കി അവർ ഗർജ്ജിച്ചു…

Image

 

 

ബാബാ രാംദേവിന്റെ സത്യാഗ്രഹം അഥവാ വേശ്യയുടെ ചാരിത്യപ്രസംഗം..!

മോഹൻ ഭഗത്ത് (ആർ.എസ്.എസ് മേധാവി) രചനയും സംവിധാനവും നിർവ്വഹിച്ച്  നാഗ്പ്പൂരിലെ ആർ.എസ്.എസ് കാര്യാലയം രംഗത്തെത്തിക്കുന്ന ആക്ഷേപ ഹാസ്യ നാടകമാണ് ‘ബാബാരാംദേവിന്റെ സത്യാഗ്രഹം അഥവാ വേശ്യയുടെ ചാരിത്യ പ്രസംഗം’.

രഗത്ത് നിങ്ങളുടെ (ജനങ്ങളുടെ) ഇഷ്ട(അനിഷ്ട) താരങ്ങൾ..ഇന്ത്യയെ പണ്ട് ഭരിച്ച് വെടക്കാക്കിയ കാവിക്കാർ കോറസ്സായെത്തുന്നു..

കഥാസാരം – പ്രതിവർഷം 1000 കോടി രൂപയുടെ വരുമാനമുള്ള ദരിദ്രനാരായണനാണ് രാംദേവ്.ആശ്രമങ്ങൾ,ആയുർവേദ ശാലകൾ,യോഗപീഠം തുടങ്ങിയവ സ്ഥാപിച്ച് ജനത്തെ ഉടലോടെ സ്വർഗ്ഗത്തെത്തിക്കാൻ കരാറെടുത്ത സന്യാസിവര്യൻ(?).സ്കോട്ടുലാഡിൽ ടിയാന് ഒരു ദ്വീപ് സ്വന്തമായുണ്ട്!

യോഗാഭ്യാസമാണ് മുഖ്യ തൊഴിൽ.മുന്നിലിരുന്ന് അഭ്യസിക്കുന്നതിന് 5000 രൂപ മുടക്കണം.അതിനു പിന്നിൽ 25000,ഏറ്റവും പുറകിലെ തറ ടിക്കറ്റുകാർക്ക് 1000 രൂപ! അപ്രകാരം ശാസ്ത്രീയ സോഷ്യലിസം നടപ്പിലാക്കിയ മാന്യ ദേഹമാണ് കഥാപുരുഷൻ.

“2003ല്‍ ആചാര്യ ബാലകൃഷ്ണനുമൊത്ത് ദിവ്യയോഗ മന്ദിര്‍ ട്രസ്റ്റ് തുടങ്ങിയതോടെ ഉയര്‍ച്ച ആരംഭിച്ചു. 2006ല്‍ ഹരിദ്വാറില്‍ പതഞ്ജലി യോഗപീഠം തുടങ്ങി. ഹരിദ്വാറില്‍ നിന്ന് പത്തു കിലോമീറ്റര്‍ അകലെ എക്കര്‍ കണക്കിനു സ്ഥലത്ത് വ്യാപിച്ചു കിടക്കുന്ന സ്ഥാപനമാണ് ഇത്. ഉപരാഷ്ട്രപതിയായിരുന്ന ഭൈരോണ്‍ സിങ് ഷെഖാവത്താണ് ഇത് ഉദ്ഘാടനംചെയ്തത്. യോഗാഭ്യാസത്തിനു പുറമെ ആയുര്‍വേദ മരുന്നുകളും ഇവിടെ നല്‍കുന്നു.

രാംദേവിന് ആയുര്‍വേദത്തില്‍ പരിജ്ഞാനമെന്തെന്ന ചോദ്യത്തിന് ഉത്തരമില്ല. മരുന്ന് വില്‍പനയിലൂടെ 300 കോടി രൂപയാണ് രാംദേവിന് പ്രതിവര്‍ഷം ലഭിക്കുന്നത്. ആയുര്‍വേദ മരുന്നില്‍ മൃഗങ്ങളുടെ അംശങ്ങള്‍ ചേര്‍ത്തു വില്‍ക്കുന്നെന്ന പരാതി ഉയര്‍ന്നിരുന്നു. സിപിഐ എം പൊളിറ്റ് ബ്യൂറാ അംഗം വൃന്ദ കാരാട്ടാണ് തെളിവുകളോടെ ആരോപണമുയര്‍ത്തിയത്. അതിന്റെ പേരില്‍ ഡല്‍ഹിയിലെ സിപിഐ എം ആസ്ഥാനമായ എ കെ ജി ഭവന്‍ അടക്കം ആക്രമിക്കപ്പെട്ടു. ആരോഗ്യമന്ത്രാലയം നടത്തിയ പരിശോധനയില്‍ മൃഗങ്ങളുടെ അംശങ്ങള്‍ മരുന്നില്‍ കണ്ടെത്തി. പതഞ്ജലി യോഗപീഠം തുടങ്ങിയ ഘട്ടത്തില്‍ തന്നെ തൊഴില്‍ തര്‍ക്കങ്ങളും ആരംഭിച്ചു.

ആയുര്‍വേദ മരുന്നുണ്ടാക്കുന്ന ഫാക്ടറിയിലെ തൊഴിലാളികള്‍ക്ക് മിനിമം കൂലി നല്‍കിയിരുന്നില്ല. പത്തും പന്ത്രണ്ടും മണിക്കൂറാണ് പണിയെടുപ്പിച്ചത്. സ്ഥാപനത്തിനു മുന്നില്‍ സമരവും തുടങ്ങി. സമരം ചെയ്ത 113 പേരെ പിരിച്ചുവിട്ടു. പിഎഫ്, ഇഎസ്ഐ തുടങ്ങിയ ആനുകൂല്യം ഈ തൊഴിലാളികള്‍ക്ക് നല്‍കിയില്ല. പണം കൊഴുത്തപ്പോള്‍ അധികാരവും വേണമെന്നായി. തുടര്‍ന്നാണ് രാഷ്ട്രീയ പാര്‍ടി രൂപീകരിക്കാന്‍ ശ്രമം തുടങ്ങിയത്. കഴിഞ്ഞ ലോക്സഭാ തെരഞ്ഞെടുപ്പിനു മുമ്പുതന്നെ അതിനുള്ള കരുക്കള്‍ നീക്കിയെങ്കിലും വിജയിച്ചില്ല. ഏതായാലും അതിനുള്ള ചവിട്ടുപടിയായാണ് ശനിയാഴ്ച മുതല്‍ ആരംഭിക്കുന്ന സത്യഗ്രഹം. ഏപ്രിലില്‍ നാഗ്പുരിലെ ആര്‍എസ്എസ് കാര്യാലയത്തില്‍ വച്ച് ആര്‍എസ്എസ് മേധാവി മോഹന്‍ ഭഗത്തുമായി ചേര്‍ന്നാണ് സത്യഗ്രഹം തീരുമാനിച്ചത്. ഗോവിന്ദാചാര്യയാണ് രാംദേവിന്റെ രാഷ്ട്രീയ ഉപദേശകന്‍ . അഴിമതിക്തെിരെയുള്ള ബിജെപി സമരത്തെ വിശ്വാസ്യത്തിലെടുക്കാന്‍ ജനങ്ങള്‍ തയ്യാറാകാത്ത സാഹചര്യത്തിലാണ് രാംദേവിന്റെ സഹായഹസ്തം.

രാംദേവ് ശനിയാഴ്ച സത്യഗ്രഹമിരിക്കുന്നത് പഞ്ചനക്ഷത്ര സൗകര്യമുള്ള പന്തലിലാണ്. ലക്ഷങ്ങള്‍ ചെലവിട്ടാണ് ഡല്‍ഹി രാംലീല മൈതാനത്ത് സമരപ്പന്തലിന്റെ നിര്‍മാണം. നാലു തട്ടിലായി ഇരിപ്പിട സൗകര്യം, 1000 കക്കൂസ്, വിപുലമായ മാധ്യമകേന്ദ്രം, അഞ്ചു ലക്ഷം ലിറ്റര്‍ വെള്ളം നല്‍കാനുള്ള സംവിധാനം തുടങ്ങിയവയാണ് ആസ്ത ടെലിവിഷന്‍ ചാനലിന്റെ യോഗഗുരുവായ ബാബാ രാംദേവ് സമരത്തിനായി തയ്യാറാക്കുന്നത്.“

കടപ്പാട്ദേശാഭിമാനി(03/06/2011)-വി.ബി. പരമേശ്വരന്റെ ലേഖനത്തിൽ നിന്ന്

ഇനി നാടകം തുടങ്ങുകയായി…

അടുത്ത ബെല്ലിന്….

ഒരു പ്രത്യേക അറിയിപ്പ് – കല്ല്,കട്ട,ചീമുട്ട തുടങ്ങിയവ മിതമായ റേറ്റിൽ തൊട്ടടുത്ത കൌണ്ടറിൽ നിന്നും വാങ്ങാവുന്നതാണ്…!

ചിരിച്ചുമണ്ണുകപ്പാൻ തയ്യാറായിക്കോളൂ…ഭാരതീയരെ, അല്ല പിന്നെ….

വിദൂഷക വചനം –  അമ്പലങ്ങൾ തോറും കോണകം കെട്ടാൻ ഓടി നടന്ന പിള്ളേർക്കൊടുവിൽ പറ്റിയ റോള് കിട്ടി…കർമ്മണ്യേ വാധികാരസ്തേ…….!!

കെ.ജി.ബാലകൃഷ്ണൻ കേരളത്തിന് അപമാനമാകുമ്പോൾ…

ഇന്ന് കേരളീയയർ അവജ്ഞയൊടെ കാണുന്ന ഒരു പേര് കെ.ജി.ബാലകൃഷ്ണൻ എന്നതായിരിക്കും..

ഈ പേരിൽ ഒരുപാട് അഭിമാനംകൊണ്ടിട്ടുണ്ട് ,ഒരിക്കൽ-

ഇപ്പോൾ….!!

അദ്ദേഹത്തിന്റെ കുടുംബാംഗങ്ങൾ അനധികൃതമായി ഒരുപാട് സ്വത്തു സമ്പാദിച്ചിട്ടുണ്ട്..

ആദായനികുതി വകുപ്പ് അത് സാക്ഷ്യപ്പെടുത്തുന്നുണ്ട്…

കുറേ ഫ്രോഡുകൾ ബന്ധുക്കളായി..

എണീറ്റുനിന്ന് വളിവിടാൻ കെല്പില്ലാത്ത ശ്രീനിജനും മറ്റും വക്കീൽ പണിയിൽ നിന്ന് സമ്പാദിച്ചതാണ് എന്നൊക്കെപ്പറഞ്ഞാൽ ആരാണ് വിശ്വസിക്കുന്നത്.?

ഇയാളെ ആരാണ് കേസ് ഏല്പിക്കുന്നത്,അമ്മായിയപ്പന്റെ ലേബലില്ലാതെ…

ഇതുവരെ മൌനിയായിരുന്ന കെ.ജി.ബി ഇന്ന് വായ തുറന്നു,ചില കള്ളങ്ങൾ മാലോകരെ അറിയിക്കാൻ..!

കഷ്ടം…!

തങ്ങൾ അനധികൃതമായി ഒന്നും ചെയ്തിട്ടില്ലയെന്ന് അദ്ദേഹം യാതൊരു ഉളുപ്പുമില്ലാതെ തട്ടിവിട്ടിരിക്കുന്നു…!

ആദായ നികുതി വകുപ്പ് ഡയറക്ടർ പറയുന്നത് കള്ളമാണത്രെ!

അപാര തൊലിക്കട്ടി…

ആരോപണം വന്നപ്പോൾ രാജിവയ്ക്കാൻ തയ്യാറാകാത്ത ടിയാൻ ഇനി എന്തിക്കെ പറയുമോ ആവോ…

അധികാരം ഒരു ലഹരി തന്നെ,സംശയമില്ല…

പ്രിയ കെ.ജി.ബി,

ഇനിയെങ്കിലും രാജിവച്ച് അസ്സൽ കേരളീയനാകാൻ തോന്നുന്നില്ലേ..

ഉപ്പു തിന്നവർ വെള്ളം കുടിക്കട്ടെ..

ഈ അവസരം കളഞ്ഞുകുടിക്കരുത്,പ്ലീസ്…

വിദൂഷകവചനം – നായ നടുക്കടലിലും നക്കിയേ കുടിക്കൂ...

ചാണ്ടിയ്ക്ക് കുഞ്ഞാലിപ്പനി….(യു.ഡി.എഫില്‍ നിന്നുള്ള വാര്‍ത്തകള്‍ ..വെള്ളംചേര്‍ക്കാതെ…)

കേരളത്തിലെ പ്രതിപക്ഷത്തിന്  ശനിദശ…

പണ്ട് ചെയ്ത ചെറ്റത്തരങ്ങളെല്ലാം വെളിച്ചപ്പെടുന്നു….

ഇവരാണ്  നമ്മളെ മോചിപ്പിക്കാന്‍ പോകുന്നത് ….

എങ്ങോട്ടേയ്ക്കാ‍……

ദോഷം പറയരുതല്ലോ ..എല്ലാ വൃത്തികെട്ടവന്മാരും ആ വഞ്ചിയിലുണ്ട് …

കേന്ദ്രത്തിലും സ്ഥിതി ഇതു തന്നെ … അതാനൊരു സമാധാനം …

കുഞ്ഞാലിപ്പനി

മുസ്ലിം ലീഗില്‍ നിന്ന് പടരുന്ന ഒരു തരം പനിയാണിത്..സംഗതി വളരെ മാരകമാണ്…

മരണം വരെ സംഭവിക്കാവുന്നതണ് …

കേരളീയരെപ്പടിക്കാന്‍ മോചനയാത്രയെന്ന് പറഞ്ഞ് തെക്കുവടക്ക്  നടന്ന വിദ്വാന്‍ ഇപ്പോള്‍ ഈ പനിയുടെ പിടിയിലാണ് ….

ചെന്നിത്തലയനേയും പിടികൂടിയെന്നാണ്  റിപ്പോര്‍ട്ട് …

കോണ്‍ഗ്രസ്സുകാരും ലീഗുകാരും കരുതിയിരിക്കുക…

പ്രതിവിധി – വി.എസ് , വീ.എസ് എന്ന് കൂടക്കൂടെ ഉരുവിടുകയും പുരപ്പുറത്തു കയറിനിന്ന് യു.ഡി.എഫി ന് മൂര്‍ദ്ദാബാദ്  വിളിക്കുകയും ചെയ്യുക!!

മുത്തപ്പപ്പിത്തം

തലയില്‍ ഇടിവെട്ട്  വീണവന്റെ കാലില്‍ പാമ്പ് കടിച്ചു എന്ന ചൊല്ല്  ചാണ്ടിയ്ക്ക് നന്നായി ചേരും…

പാമോയില്‍ കുടിച്ച വകയില്‍ മേടിക്കേണ്ടത് മേടിച്ചുതരും എന്നാണ് മുത്തപ്പ വ്യക്തമാക്കിയിരിക്കുന്നത്…!!

മുഖ്യമന്ത്രിക്കസേര മരീചികയായി എന്ന് ഏതാണ്ട് ഉറപ്പായിക്കഴിഞ്ഞു…!!

ചാണ്ടിയ്ക്കിനി വിശ്രമിക്കാം…

പിള്ളേച്ചന്‍ ജയിലിലേക്ക് …

കട്ടുതിന്നതിന്റെ പേരില്‍ പിള്ളേച്ചന്‍ ജയിലിലേക്ക് യാത്രയാകുന്നു…

കള്ളനെ ചുമക്കുന്നവനും നാറും എന്ന്  കോണ്‍ഗ്രസ്സുകാര്‍ ഓര്‍ക്കുന്നത് നന്നായിരിക്കും…

ഗണേശന്‍ എന്ന ഗൊണേശന്‍ വലിയവായില്‍ വിവരക്കേട് പറഞ്ഞുതുടഞ്ഞിയിരിക്കുന്നു …തന്ത മൂലയ്ക്കാവുമ്പൊ പാര്‍ട്ടിയെ നയിക്കാന്‍ ആള് പുറത്തു വേണ്ടേ…(അച്യുതാനന്ദന്‍ സുപ്രീംകോടതിയെ സ്വാധീനിച്ച്  വിധി വാങ്ങിയത്രെ! കോടതിയലക്ഷ്യമാ…ജയിലിലാവും  …!)

ജേക്കബ്ബും കുടുങ്ങും…

ജേക്കബ്ബും അഴിയെണ്ണുമെന്നാണ് തൊന്നുന്നത് …

കെ.സുധാകരന്‍

കെ.സുധാകരന്റെ കാര്യത്തില്‍ തീരുമാനമാവുമെന്നാണ് കേള്‍ക്കുന്നത്…

സുപ്രീംകോടതി ജഡ്ജിമാര്‍ക്ക്  കൈക്കൂലി കൊടുക്കുന്നതിന്  താന്‍ സാക്ഷിയായിരുന്നുവത്രെ!

ഒരു എം.പി യാണ് പറയുന്നത്…

ഇത്രയുമ നാള്‍ എന്തേ പറഞ്ഞില്ല…അതൊന്നും ചോദിക്കരുത്…ഇപ്പൊഴാണ് വെളിപാടുണ്ടായത്…!

ആകാശവാണിഭക്കാരനും …

പി.ജെ.ജോസഫും ക്യാമ്പിലെത്തിയിട്ടുണ്ടല്ലോ….

ആനന്ദലബ്ധിക്കിനിയെന്തു വേണും….

മാണിക്കാരനും അഴിമതിക്കുരുക്കില്‍ …

മാണികോണ്‍ഗ്രസ്സ് സംസ്ഥാനക്കമ്മറ്റി അംഗവും അഴിമതിക്കേസില്‍ ഉള്‍പ്പെട്ടിരിക്കുന്നു…

തങ്ങളും  മോശമല്ലെന്ന് മാണിക്കൂട്ടം….

മുന്നറിയിപ്പ്..

കേരളീയരാരുംതന്നെ ഈ തെമ്മാടിക്കൂട്ടത്തിന്റെ മുന്നില്‍ചെന്ന്  ചാടരുത്…

‘തര്‍ജ്ജനി‘ യുടെ തരൂര്‍ സ്തുതി – മേയ് ലക്കത്തില്‍ (നീതിമാന്റെ രക്തം!)നീതിമാന്‍ സസിയോ?

പശ്ചാത്തലത്തില്‍ വിദൂഷകന്‍ …

തലതല്ലി ചിരിക്കുന്നു…

എന്താ കാര്യം?

മാലോകര്‍ക്ക്  ആകാംഷ…

മുന്നിലെ കമ്പ്യൂട്ടറില്‍ തര്‍ജ്ജനി – മേയ് ലക്കം..

സ്ക്രീനില്‍ മുഖലേഖനം- നീതിമാന്റെ രക്തം….

തലക്കെട്ട് കൊള്ളാം…ഒരു ക്രിസ്തീയ പശ്ചാത്തലമൊക്കെയുണ്ട്..

പിന്നിടല്ലേ സംഗതി പിടികിട്ടുന്നത്….


വീണ്ടും ചിരിച്ചുപോകുന്നു, മാലോകരാകെ…

ശശി തരൂരാണ് (സസി എന്ന് മലയാളം) നീതിമാന്‍  …

എന്റെ ദൈവമേ….

യേശു പൊറുക്കട്ടെ….

സസി സ്തുതിയാണ് പിന്നീടങ്ങോട്ട്…


അരാഷ്ട്രീയം തലയ്ക്കുപിടിച്ച ലേഖകന്റെ പേച്ചുകള്‍ …

രാഷ്ട്രീയക്കാരൊക്കെ  കൊഴപ്പക്കാരാണ് …

ഇവര്‍ കുറച്ച് നല്ല ആളുകളാണ് ഉള്ളത് – എന്നൊക്കെ സംഗ്രഹിക്കാം ..


സസി  ഇന്ത്യയ്ക്കും കേരളത്തിനും വേണ്ടി ചെയ്ത  സംഭാവനകള്‍ സവിസ്തരം(?) വിവരിക്കുന്നു….


സസിയെന്ന പാവത്തിനെ എല്ലാവരും കൂടി ചതിച്ചുവെന്ന് ചുരുക്കം…!

സസി ഒരു പച്ചപ്പാവമാണത്രെ…പച്ചവെള്ളം ചവച്ചേ കുടിക്കുകയുള്ളൂ…

വലിയ നയ തന്ത്രജ്ഞനാണ് കെണിയില്‍ വീണിരിക്കുന്നത്…

ഇയാളുടെ സംഭാവനകള്‍ മുന്‍പ് പോസ്റ്റ് ചെയ്തിട്ടുള്ളതിനാല്‍ ആവര്‍ത്തിക്കുന്നില്ല…


വിദൂഷകന്‍ വീണ്ടും ചിരിക്കുന്നു…കൂടെ മാലോകരും…


ചിരിച്ചാല്‍ മരിക്കില്ലെന്ന് ഉറപ്പുള്ളവര്‍ തര്‍ജ്ജനിയില്‍ – നീതിമാന്റെ രക്തം -വായിക്കുക…


http://chintha.com/node/74940

അവള്‍ രഞ്ജിനി ഹരിദാസിന് പഠിക്കുന്നുവത്രെ..!കഷ്ടം..?!

മലയാളത്തെ മലീമസമാക്കുന്നത് അരൊക്കെ?

അവതാരകരും റേഡിയോ ജോക്കിമാരും!


അവതാരകരുടെ മലയാളം സഹിക്കാന്‍ ഏറെ പ്രയാസമാണ്…

രഞ്ജിനി ഹരിദാസ്  മലയാളത്തെയും ഇംഗ്ലീഷിനേയും നീചഭാഷയാക്കി …

അവര്‍ ഒരു തരംഗമായിമാറിയിരിക്കുന്നു എന്നാണ് പറയപ്പെടുന്നത്…

കേരളമേ സഹിക്കുക…..!

മറ്റ് അവതാരങ്ങള്‍ ഇപ്പോള്‍ രഞ്ജിനിയ്ക്ക് പഠിക്കുകയാണ്..

ആഭാസകരമായ വസ്ത്രധാരണമാണ് രഞ്ജിനിയുടെ മുഖമുദ്ര…

ഏഷ്യാനെറ്റില്‍ കോമഡി സ്റ്റാര്‍സ് എന്നൊരു പരിപാടി തുടങ്ങിയിട്ടുണ്ട്…

സംഗതി മോശമല്ല..

അതിലെ അവതാരകയാണ് ഇപ്പോള്‍ രഞ്ജിനിയ്ക്ക് പഠിച്ചുകൊണ്ടിരിക്കുന്നത്…

വസ്ത്രധാരണം മാറിയിട്ടില്ല…

അതെന്നാണാവോ….

കാത്തിരിക്കാം…

വാല്‍ക്കഷണം


ഈ വകകളെ ചങ്ങലയ്ക്കിടാന്‍ ഇവിടാരുമില്ലേ….