വിദൂഷകന്റെ ബ്ലോഗ്‌ നിരൂപണം-വാല്യം-5 (22/06/2008)

മികച്ച രണ്ട്‌ കഥകള്‍
—————-

ബ്ലോഗ്‌ പോസ്റ്റുകളില്‍ കഴിഞ്ഞ ഒന്നര മാസത്തിനിടെ ഞാന്‍ കണ്ടുമുട്ടിയ രണ്ട്‌ മികച്ച കഥകള്‍ ഇവയാണ്‌.

1.അപര്‍ണ്ണയുടെ ദൈവങ്ങള്‍
2.ടിഫിന്‍ കാരിയര്‍(www.chinthukal.blogspot.com)

മലയാളത്തിലെ ലബ്ധപ്രതിഷ്ഠരായ കഥാകൃത്തുക്കളുടെ കഥകളോട്‌ കിടപിടിക്കുന്നവയാണ്‌ ഈ രചനകള്‍ എന്ന് ഞാന്‍ കരുതുന്നു.

——————————————–

അപര്‍ണ്ണയുടെ ദൈവങ്ങള്‍
——————-

മലയാളത്തിലെ ഏറ്റവും മികച്ച കഥകളിലൊന്ന് എന്ന് നിസ്സംശയം പറയാവുന്ന ഒന്നാണ്‌ ശ്രീയുടെ ‘അപര്‍ണ്ണയുടെ ദൈവങ്ങള്‍’.

ദൈവങ്ങളെ ഇഷ്ടപ്പെടുന്ന…അവരുടെ സങ്കടങ്ങളും മറ്റും തൊട്ടറിയുന്ന അപര്‍ണ്ണ വിശാഖന്റെ ജീവിതത്തില്‍ ഉത്തരം കിട്ടാത്ത ധാരാളം ചോദ്യത്തീക്കനലുകള്‍ വാരിയിടുന്നു.
ദൈവമാകാന്‍ വിശാഖനു വയ്യ.

അപര്‍ണ്ണയുടെ ഉള്ളില്‍ പ്രാര്‍ത്ഥനകള്‍ നിറയുന്നു.
യേശുവിന്റെ ആണിപ്പഴുതുകള്‍ സ്വന്തം ശരീരത്തില്‍ അറിയുന്നു!

വാക്കുകള്‍ക്കതീതമായ അനുഭൂതിയുണര്‍ത്തുന്നൂ ഇക്കഥ.
ക്രാഫ്റ്റ്‌ അസാധ്യം എന്നേ പറയേണ്ടൂ..

നമ്മെ വീണ്ടും വായിക്കാന്‍ പ്രേരിപ്പിച്ചുകൊണ്ട്‌…മോഹിപ്പിച്ചുകൊണ്ട്‌ ആ കഥ നിലകൊള്ളുന്നു.

മലയാള ചെറുകഥാ സാഹിത്യത്ത്യത്തിന്റെ നാലുകെട്ടില്‍ ഒരാള്‍ കൂടി തലയുയര്‍ത്തി കടന്നു വരുന്നത്‌ ഞാന്‍ ഭാവന ചെയ്യുന്നു..

നന്ദി ശ്രീ…
വീണ്ടുമെഴുതൂ..
എല്ലാ ആശംസകളും…

സാഹിത്യത്തില്‍ താല്‍പര്യമുള്ള എല്ലാപേരും വായിച്ചിരിക്കേണ്ട കഥയാണിത്‌.

www.ladylazarusspage.blogspot.com

______________________________________________________________________________________

പേക്കൂത്തുകള്‍
———————

പരിശീലനത്തില്‍ പങ്കെടുക്കാന്‍ വന്ന അധ്യാപകരെ തല്ലാന്‍ കെ.എസ്‌.യു വിന്റെ ബാനറില്‍ ഗുണ്ടകളെ ഇറക്കിയിരിക്കുന്നു!

ഈ പരിപാടിയുടെ പ്രായോജകര്‍ കോണ്‍-ലീഗ്‌-മാണി കോണ്‍ മുതലായ പുരാവസ്തുക്കളാണ്‌.

നല്ല ഗുരുത്വം…

കുരങ്ങനെക്കൊണ്ട്‌ ചുടുചോറ്‌ വാരിക്കല്‍-ചൊല്ല് ഇവിടെ അന്വര്‍ത്ഥമാകുന്നു.

നാട്ടുകാരുടെ ‘കൈകാര്യം’ ചെയ്യല്‍ തുടങ്ങും മുമ്പ്‌ കുട്ടിക്കുരങ്ങന്മാര്‍ അടങ്ങുന്നത്‌ നന്നായിരിക്കും എന്ന് വിദൂഷകന്‍.

ഈ കത്തിവേഷക്കാര്‍ക്ക്‌ വരുന്ന ആഴ്ച അത്ര ശോഭനമല്ലെന്ന് ആട്ടുകല്‍ രോഗാകൃഷ്ണന്‍ അഭിപ്രായപ്പെടുന്നു.
ജാഗ്രതൈ!

_______________________________________________________________________________________

നേര്‌ പറയുന്ന ‘മൂകം’
—————————

മുഹമ്മദ്‌ സാഹിര്‍ പണ്ടാരത്തിലിന്റെ കവിത’മൂകം’-ജീവിതത്തിന്റെ ക്ഷണികതയെക്കുറിച്ചുള്ളതാണ്‌.

നാം എന്തെക്കെയോ ചെയ്യണമെന്ന് വിചാരിക്കുന്നു..
തയ്യാറെടുപ്പുകള്‍ നടത്തുന്നു…
പക്ഷെ ആയുസ്സ്‌…..?

പിറ്റേന്ന് പകല്‍-
ഒരു അപകടം…എല്ലാം അവസാനിക്കുന്നു!
(അതോ വിധിയോ)

-‘….ദു:ഖാങ്ങളും
സ്വപ്നത്തിന്റെ ഭാവിയും
പിന്നെ ജീവനും റോഡില്‍ ചതച്ചരച്ചു.’

ഒരു കൊച്ചു മനോഹരമായ കവിത.
ലാളിത്യം ശ്രദ്ധിക്കപ്പെടേണ്ടതാണ്‌.

www.sageerpr.blogspot.com

_______________________________________________________________________________________

ബീരാന്‍ കുട്ടി വിട പറയുന്നു..
———————————–

ബീരാന്‍ പച്ചമുളകിനെ പരിചയപ്പെട്ടതാണ്‌ പുലിവാലായത്‌.

പച്ചമുളകിന്റെ കൊഞ്ചിക്കുഴയല്‍ ബീരാന്റെ വാമഭാഗത്തിന്‌ പിടിച്ചില്ലത്രെ.

-‘ഇഞ്ഞി മേലില്‍ ഇങ്ങള്‌ ബ്ലോഗാന്‍ പോയാല്‍ കൈ രണ്ടും കൊത്തി അരിയും.ഇങ്ങക്ക്‌ ബ്ലോഗാന്‍ ഞാന്‍ ഇണ്ട്‌ ഇവടെ’-എന്ന് രാസാത്തി പ്രഖ്യാപിച്ചുകളഞ്ഞു!

ബീരാന്‍ കീഴടങ്ങി..
ബ്ലോഗിംഗ്‌ മതിയാക്കുന്നു..

പ്രിയ ബീരാനെ കീഴടങ്ങരുത്‌..
കരുത്തോടെ തിരിച്ചു വരൂ..

പെണ്ണിന്റെ മനസ്സ്‌ മാറാന്‍ അധിക നേരം വേണ്ട.സോപ്പ്‌ നന്നായി പതപ്പിക്കൂ…
സ്തുതിഗീതങ്ങള്‍ ആലപിക്കൂ…

(വേറെ എവിടെ നിന്നെങ്കിലും ഭീഷണി ഉണ്ടോ?
വിദൂഷകന്‍ അങ്ങനെയും സംശയിക്കുന്നു..)

www.beerankutty.blogspot.com

__________________________________________________________________________________________

——————————-

(ജീവിത)ചിത്രങ്ങളുടെ പണിപ്പുര
————————————-

വര്‍ത്തമാനകാല യാഥാര്‍ത്ഥ്യങ്ങളാണ്‌ സുരേഷ്‌ ഐക്കരയുടെ കവിതയിലെ പ്രതിപാദ്യം.

ആധുനികനെ ഇങ്ങനെ പരിചയപ്പെടുത്തുന്നു.
-‘ചുമരുകളില്ലാതെ
ചിത്രം വരയ്ക്കുന്നവര്‍’

ഉപഭോഗസംസ്കാരത്തിന്റെ തള്ളിച്ചയില്‍ എല്ലാം നഷ്ടമാകുന്നു..
എല്ലാപേരും ഉപഭോക്താക്കള്‍ മാത്രം!

മാതൃകകളില്ലാത്ത ജീവിതമാണ്‌ ഇന്നത്തേത്‌.
മാതൃകയാകുന്നത്‌ പഴയ ചിത്രങ്ങ്ലാണത്രെ.

പുതിയ തലമുറയുടെ ഭാവിയില്‍ കവിയ്ക്ക്‌ ഉല്‍കണ്ഠയുണ്ട്‌,
-‘എന്റെ കൊച്ചുകുട്ടി
എങ്ങനെ ജീവിക്കണം
ആരുടെ കൈ പിടിച്ച്‌
അവള്‍ വളരണം?

ഓരോ കൈകള്‍ക്കും
ഓരോ നിറങ്ങളും
ദൈവങ്ങളും പിന്നെ
ചലനങ്ങളും
ഉറവ വറ്റാത്ത
സ്വാര്‍ത്ഥതകളുടെ
പ്രവാഹങ്ങളും..’

മതവും വ്യാജദൈവങ്ങളും സമകാലിക ജീവിതത്തെ മലീമസമാക്കുന്നു.മനുഷ്യനെ അപമാനവീകരിക്കുന്നു.
സത്യം തിരിച്ചറിയാന്‍ കക്ഷ്ഹിയുന്നില്ല.

ഇന്നിന്റെ ചിന്തകളുടെ സമാഹാരമാണ്‌ ഈ കവിത.

www.aickara.blogspot.com

_______________________________________________________________________________________________

—————————-

മനം മറിക്കല്‍ കോഴ്സ്‌
—————————–

തികച്ചും പ്രസക്തമായ പോസ്റ്റ്‌.

എല്ലാ ബ്ലോഗര്‍മാരും വായിക്കേണ്ടതും പ്രചരിപ്പിക്കേണ്ടതുമായ ഒന്ന്-

-അച്ചന്മാര്‍ വംശവര്‍ദ്ധനവിന്‌ ആഹ്വാനം ചെയതത്‌ പത്രം മുഖേന നാം അറിഞ്ഞതാണല്ലോ’

ആള്‍ ബലം കൂട്ടി സര്‍ക്കരിനോട്‌ വിലപേശാന്‍ ക്രിസ്ത്യന്‍ സ്ത്രീകളെ പ്രസവയന്ത്രമാക്കണമത്രെ!
ദൈവം തരുന്നത്‌ വാങ്ങിക്കൂട്ടാനാണ്‌ ഉപദേശം.
അവരുടെ ഭക്ഷണം,വിദ്യാഭ്യാസം മറ്റ്‌ കാര്യങ്ങള്‍…
ആ സമയത്ത്‌
-‘ദൈവവചനം പ്രാര്‍ഥിക്കാം’-ഇതാണ്‌ ഇപ്പോഴത്തെ രീതി.

ഇവിടെ മോളമ്മ സ്ത്രീകളെ ബോധവല്‍ക്കരിക്കാന്‍ ഇറങ്ങിയിരിക്കുകയാണ്‌.

വിവാഹ ജീവിതത്തെക്കുറിച്ച്‌ ഒന്നും അറിഞ്ഞുകൂടാത്ത പാതിരിമാരും കന്യാസ്ത്രീകളുമാണ്‌ വധുവിനേയും വരനേയും ജീവിതം പഠിപ്പിക്കുന്നത്‌..?!
മോളമ്മയുടെ വിമര്‍ശനം അസ്സലായിട്ടുണ്ട്.

മോളമ്മയുടെ പുറകില്‍ നമുക്കും അണിചേരാം..

ഇന്‍ഡ്യ സോമാലിയ ആകാതിരിക്കന്‍ പ്രാര്‍ത്ഥിക്കാം.
ആമേന്‍!

www.pedikathinna.blogspot.com

____________________________________________________________________________________________

—————————–

ഏലാ വാര്‍ത്തകള്‍
—————————-

(കുഴിച്ചെടുത്ത്‌ അവതരിപ്പിക്കുന്നത്‌ സരസുവും സരളയും)

-ടിവി യിലെ ഏറ്റവും വൃത്തികെട്ട മുഖത്തിന്റെ ഉടമ ആരാണ്‌?

-കഴിഞ്ഞ വര്‍ഷത്തെ ഒരു(ഐഡിയ കിട്ടിയോ) സ്റ്റാര്‍ സിംഗറിലെ അവതാരിക(അവതാരം)
വായകൊണ്ടുള്ള ഗോഷ്ഠികള്‍ ജുഗുപ്സ ജനിപ്പിക്കും.
ജീവിതത്തോട്‌ വൈരാഗ്യം തോന്നാന്‍ ഇതൊന്നുകണ്ടാല്‍ മാത്രം മതി.

-എടീ സരസൂ പെറ്റ തള്ള സഹിക്കൂല കേട്ടാാ…

അറിയിപ്പ്‌-കുട്ടികളും ഗര്‍ഭിണികളും കാണാന്‍ ശ്രമിക്കുന്നത്‌ അപകടമാണ്‌!

2
———–

-ഏഷ്യാനെറ്റിലെ ‘തകധിമി’യില്‍ അശുഭകരമായത്‌ എന്തെങ്കിലും ഉണ്ടോ സരളേ….

-ഉണ്ട്‌ ഒരു സാധനം..

-അതെന്താ?

-സംഗതി മേല്‍ പറഞ്ഞതുപോലൊരു സാധനം

-അതെയോ?

-വസ്ത്രധാരണം കെങ്കേമം..
വസ്ത്രദാരിദ്ര്യം ശരിക്കും അനുഭവിക്കുന്നു.
മുകളില്‍ ഒരു ഞാണിന്മേല്‍ എല്ലാം…
എല്ലാം വ്യക്തമാക്കാന്‍ അര ഇഞ്ച്‌ തുണിയില്‍ ഒരു ബോര്‍ഡര്‍ മാത്രം!
കുട്ടി നിക്കറിന്റെ ഇറക്കം കുറയ്ക്കുന്നതില്‍ നിരന്തരഗവേഷണം …
അതില്‍ നല്ല ഭാവിയുണ്ട്‌…
കടുവാകളിക്കിട്ട മേയ്ക്കപ്പുമുണ്ട്‌.

-നല്ല പുളിവാറല്‍ കൊണ്ട്‌……

3
———————

-കൊച്ചുമോന്‍ പാപ്പം കഴിക്കുന്നില്ല എന്ന് പരാതിപ്പെട്ട രമണിയോട്‌ സരസു-

‘അതിന്‌ വഴിയുണ്ടെടീ..കിരണ്‍ ടിവിയില്‍ കുളിയും നനയും ഇല്ലാത്ത ഒരു ആട്‌ മോന്തന്‍ ഉണ്ട്‌.അതിനെ കാണിച്ചാല്‍ മതി.അതിന്റെ കോപ്രായങ്ങള്‍ കണ്ടാല്‍ കുഞ്ഞ്‌ എന്തും കഴിച്ചോളും.

-മൂന്ന് ദിവസത്തിന്‌ ശേഷം രമണി-

‘വിദ്യ ഫലിച്ചു ചേച്ചീ…നന്ദിയുണ്ട്‌ കേട്ടാാ…

_________________________________________________________________________________________

വാല്യം-6

29/06/2008 ന്

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌___________________________________________________________________________________________

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌

Advertisements

ഒരു മറുപടി കൊടുക്കുക

Fill in your details below or click an icon to log in:

WordPress.com Logo

You are commenting using your WordPress.com account. Log Out / മാറ്റുക )

Twitter picture

You are commenting using your Twitter account. Log Out / മാറ്റുക )

Facebook photo

You are commenting using your Facebook account. Log Out / മാറ്റുക )

Google+ photo

You are commenting using your Google+ account. Log Out / മാറ്റുക )